Javën e kaluar studentë dhe profesorë të Fakultetit të Shkencave Matematiko-Natyrore të Universitetit të Prishtinës kanë protestuar para Ministrisë së Arsimit dhe Komunës së Prishtinës duke kërkuar ndërtimin e objektit të ri për FSHMN , shkruan Infokusi.com.

Protestuesit u pritën nga kryetari i komunës së Prishtinës, Shpend Ahmeti e cili premtoi takim  për të hënën ku do të diskutohet për një zgjedhje të mundshme.

Ndërsa sot Ahmeti  ka mbajtur takimin me përfaqësuesin e studentëve te fakultetit të FSHMN-së, Florian Biviakun, prorektorin Faton Berisha, dekanin Tahir Arbneshi, sekretarin e UP-së Esat Kelmendi si dhe me Kemal Bislimi nga këshilli drejtues i UP-së.

Edhe pse takimi është paralajmëruar se do të jetë i hapur për media ai është zhvilluar mbrapa dyerve të mbyllura.

Pas përfundimit të takimit Ahmeti para mediave ka thënë se janë bërë dy propozime për lokacionin e objektit të ri për fakultetin e FSHMN-së, mirëpo deri në fund të javës do të dalin më një përgjigje zyrtare.

“Siç u dakorduam ne protestën qe ishte javën e kaluar para institucioneve ne sot e mbajtëm takimin me UP, FSHMN, përfaqësues të studenteve meqë rast i diskutuam dy opsione. Natyrisht te dyta i kanë procedurat e veta ligjore njëra është tek Fakulteti Teknik e tjetra tek Fakulteti i Edukimit, ku është kërkuar të ndërtohet më parë”,  ka thënë ai

Ahmeti ka shtuar se ndërtimi i objektit afër Fakultetit të Edukimit është pronë e Institutit Albanologjik dhe është problem ndërtimi aty pasi që  ka s’përputhje pjesa grafike me pjesën tekstuale dhe do të merrte më shumë kohë.

Ndër të tjerash Kryetari i Komunës tha se deri në pranverë të vitit 2018 do të fillojmë ndërtimin.

“Për ne si komune po mendoj se është e rëndësishme që në pranverë të vitit se ardhshëm pra vitin 2018 të fillojmë punës sepse kemi mare edhe vërtetimet që Universiteti I Prishtinës qe një kohë tashme ka ndarë buxhet për FSHMN, por edhe kemi mare ultimatumet nga përfaqësues të studenteve një serë pyetjesh të cilat presin përgjigje sepse këta janë shfrytëzuesit kryesore të objekteve të UP” ka shtuar ai.

Ndërsa prorektori i Fakultetit të shkencave matematiko natyror,  Faton Berisha ka thënë se ne e kuptojmë që komuna e ka planin urbanistik por kjo është nevojë për studentët si dhe vet për komunën.

“Ne e kemi të qartë se komuna e ka planin e saj urbanistik qe do të thotë e ka një plan të caktuar se si të ndërtohet hapësira ku tash është kampusi i UP-së dhe po ashtu këta janë senzitiv për faktin se fakulteti I FSHMN është pa ndërtesë për momentin edhe unë mendoj se kjo qasje konstruktive ka filluar mirë shpresoj se do të vazhdojë kështu  edhe ne fund do ta kemi të përfundojmë më një ndërtesë të re fakulteti.”, ka përfunduar Berisha.

Florian Biviaku përfaqësues i studentëve ka thënë se i kanë dorëzuar një serë pyetjesh kryetarit Ahmeti dhe presin përgjigje brenda 30 ditëve.

Bivulaku ka shtuar se nëse brenda 30 ditëve na përgjigjet kryetari I komunës atëherë çdo gjë do të jetë në rregull, nëse jo ne prapë do të ngrihemi në protesta sepse kjo çështje është zhagitur mjaft, dhe ne të vërtetë duhet të fillojmë më procedurat për ndërtimin e fakultetit sepse çdo gjë është e tepërt, ka shtuar ai.

UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet

Sponsoruar