Lajme

Zbulohen negociatat me Athinën për personin që do shpërthente karburantin në Himarë

Autori: Gazeta inFokus 14:59 | 01 Nëntor 2017

Kur policia bashkë me fadromat e IKMT-së u afruan të prishin një karburant në Himarë, pronari i objektit lëshoi gazin në shenjë kërcënimi.
Fatmirësisht nuk ndodhi asnjë një shpërthim. Policia ndërhyri dhe pronari i karburantit u shoqërua në komisariat.

Pas kësaj, punonjësit e IKMT-së zbuluan bombula gazi të fshehura në objekt, që mund të shpërthenin në momentin e rrëzimit të godinës.
Një ditë më pas, për këtë ngjarje foli Ministri i Jashtëm grek Nikos Kocias. Me pretendimin se pronari i objektit ishte minoritar, në mbrëmje janë zhvilluar negociata. Athinës i është premtuar që pronareve të karburantit, do t’i jepet truall dhe licencë diku tjetër.

Premtimi është bërë nga zv/ministri i Energjetikës, mbas konsultimeve me shefat e tij politik në Tiranë, sipas Kocias.

-Advertisement-

“Përsa i përket pronave, ato që u prishën, pronarët e tyre s’munden të sigurojnë tituj pronësie, ndaj dhe s’munden të kërkojnë dëmshpërblime siç bëhet kudo tjetër. Përjashtim bënte vetëm karburanti, për të cilin dje natën vonë kishte konsultime dhe një premtim nga ministri i Energjetikës, nga zëvendësi i tij, i cili premtoi se do i jepet leje të ndërtojë karburant diku tjetër.

Presim ta mbajnë këtë premtim. Siç e dini, s’mund të pengojmë zhvillimin e një vendi tjetër, por ne mbrojmë minoritetin në të drejtat e tij” tha Nikos Kocias, ministër i Jashtëm i Greqisë.

Për herë të parë Kocias ka pranuar se s’mund të ndalohet plani i zhvillimit të një vendi tjetër, por ajo që Athina kishte detyrë, ishte të merreshin në mbrojtje ata pronarë kishin tituj pronësie, të cilët duhej të merrnin dëmshpërblim me vlerën e tregut.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy