Lajme

Mustafa: Pse e gjithë kjo fushatë kundër Prokurorit të Shtetit?!

Autori: Gazeta inFokus 12:45 | 01 Nëntor 2017

Kryetari i LDK-së Isa Mustafa, e ka quajtur fushatë kundër institucionit të prokurorit të Shtetit, lajmet e publikuara në media se kryeprokurori i Shtetit, Aleksandër Lumezi nuk e ka të dhënë provimin e jurisprudencës.

“Pse e gjithë kjo fushatë kundër një institucioni të pavarur – Kryeprokurorit të Shtetit?!Në qoftë se dikush do ta ketë ditur se Kryeprokurori (nuk ka ?!) provim të jurisprudencës, do të tregonte me kohë, jo në momentin që është shpallur fajtor për një vepër që i është përshkruar”, shkruan Mustafa në Facebook.

Kreu i LDK-së ka theksuar se ‘Organizimi i një “gjuetie” të tillë ndaj një institucioni për gjera të cilat mund të vërtetohen, duket se kalon arsyen e validitetit të një dokumenti’.

-Advertisement-

“E gjithë kjo më shumë po përngjanë në një bashkërenditje për të dekurajuar punën e një institucioni tepër të rëndësishëm sesa për të sqaruar një çështje që sqarohet”, thuhet tutje në reagimin e Mustafës.

Mustafa konsideron se organet përgjegjëse duhet ta sqarojnë më shpejtë këtë rast, sepse është në pyetje një prej institucioneve më të larta të pavarura të vendit.

“Fatin e drejtësisë nuk duhet ta lëmë në mëshirën e inateve, mosdurimeve dhe hakmarrjeve. Fytyra jonë nuk është fytyrë që shihet vetëm në Kosovë, por aq shihet edhe jashtë dhe reflekton seriozitetin e shtetit tone”, thuhet në fund të reagimit të kryetarit të LDK-së.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy