Lajme

Qeveria dyshon se Meha po zhvillon “aktivitete paralele” rreth demarkacionit

Autori: Gazeta inFokus 08:26 | 19 October 2017

Qeveria e Kosovës nuk është mjaftuar me shkarkimin e Murat Mehës nga Komisioni për Shënjimin dhe Mirëmbajtjen e Kufirit Shtetëror, shkruan sot Koha Ditore.

Ekzekutivi tani dyshon se Meha nga një pozitë tjetër është duke zhvilluar “aktivitete paralele”, të cilat mund të bëhen pengesë në punën e komisionit të ri. Komisioni që tani udhëhiqet nga Shpejtim Bulliqi, mes tjerash, duhet t’i verifikojë edhe gabimet e komisionit paraprak në shënimin e kufirit me Malin e Zi.

Për të shmangur “dualizmat”, Qeveria i ka kërkuar Agjencisë Kadastrale që t’i paralizojë aktivitetet e veta. Por, kjo kërkesë nuk është përfillur nga Meha, i cili ka thënë se ky është shantazh ndaj tij dhe institucionit që drejton.

-Advertisement-

Meha ka përvojë të hidhur me kryeministrin aktual, Ramush Haradinaj. Sa ishte në opozitë legjislaturën e kaluar, gjatë raportimit të Mehës në Komisionin për punë të jashtme, Haradinaj ia kishte përplasur atij një hartë në fytyrë, dhe e kishte akuzuar për faljen e mijëra hektarëve Malit të Zi.

Subscribe në YouTube: GAZETA INFOKUSI