Lajme

Iran: Mbahen tubimet vjetore kundër Izraelit

Autori: Gazeta inFokus 14:38 | 23 June 2017

Qindra mijëra njerëz kanë dalur sot në rrugët e Teheranit dhe të qyteteve të tjera në Iran, për të marrë pjesë në tubimet anti-izraelite vjetore të organizuara nga shteti, me ç’rast shënohet dita Quds, kanë raportuar mediat shtetërore iraniane.

Disa protestues i kanë ndezur flamujt izraelitë dhe ata amerikanë, ndërsa të tjerët kanë brohoritur “vdekje Amerikës” dhe “vdekje Izraelit”.

Demonstruesit, po ashtu, kanë brohoritur kundër familjes mbretërore të Arabisë Saudite dhe kundër grupit ekstremist, Shteti Islamik.

-Advertisement-

Dita Quds, që është emri historik arab i Jerusalemit, ishte shpallur nga themeluesi i Republikës Islamike, Ajatollah Ruhollah Khomeini, për të treguar mbështetje për palestinezët dhe kundërshtimin për izraelitët.

Marshet në Teheran janë nisur nga pika të ndryshme në qytet dhe kanë përfunduar me Faljen e Xhumasë në Universitetin e Teheranit.

Subscribe në YouTube: GAZETA INFOKUSI