Lajme

Grabovci, Lushtaku, Deliu fshehin pasurinë

Autori: Gazeta inFokus 13:06 | 15 June 2017

Adem Grabovci, ish-shef i Grupit Parlamentar të Partisë Demokratike të Kosovës (PDK) në formularët e deklarimit të pasurisë në Agjencinë Kundër Korrupsionit (AKK), të cilat janë publikuar të mërkurën, ka prezantuar pasurinë që ai posedon. Mirëpo, ashtu sikurse në vitin e kaluar Grabovci dy banesat, disa trojet e pronat familjare, një automjet “BMW” i kishte vlerësuar me zero euro, raporton “Zeri.info”.

Mirëpo ai nuk kishte vepruar kështu vite më parë kur në formularët e njëjtë pasurinë e njëjtë ai e kishte deklaruar me vlerë prej më shumë se 1.5 milionë eurosh, duke hyrë kështu në grupin e politikanëve më të pasur në institucionet e vendit.

Njëjtë sikurse Grabovci kanë vepruar edhe disa tashmë ish-deputetë të tjerë të Kuvendit të Kosovës, siç është Blerta Deliu-Kodra. Kjo në formularët e AKK-së ka deklaruar se posedon disa troje, një shtëpi prej 240 metrash katrorë, ku këto të gjitha i ka vlerësuar me zero euro. Mirëpo, në vitin 2014 deputetja Deliu-Kodra në atë kohë pasurinë e njëjtë e kishte deklaruar me vlerë prej rreth 3 milionë eurosh, raporton “Zeri.info”.

-Advertisement-

Pasuri të madhe posedon edhe deputeti tjetër i PDK-së Nuredin Lushtaku. Ai në formularët e AKK-së ka vetëdeklaruar se posedon shtëpi, tokë, kontroll teknik të automjeteve, truall, objekt afarist prej 7000 metrash katrorë, por edhe ky njëjtë ka vepruar si bashkëpartiakët e tij duke e vlerësuar ato me vlerë prej zero eurosh./Zeri/.

Subscribe në YouTube: GAZETA INFOKUSI