Lajme

Shefja e Komisionit Zgjedhor: Lideri opozitar rus s’ka gjasa të garojë në zgjedhjet presidenciale

Autori: Gazeta inFokus 12:01 | 15 Qershor 2017

Lideri opozitar në Rusi, Alexei Navalny, nuk ka asnjë gjasë të marrë pjesë në zgjedhjet presidenciale të vitit të ardhshëm për shkak të dënimit të tij të mëparshëm për përvetësim, ka thënë shefja e Komisionit Zgjedhor të Rusisë, Ella Pamfilova.

Navalny, një kritik i zëshëm i presidentin Vladimir Putin, ka thënë se dëshiron të garojë për president në zgjedhjet e vitit 2018. E Putin, i cili e ka dominuar politikën ruse për 17 vjet, pritet që të garojë për mandatin e tij të katërt, por ende nuk e ka konfirmuar nëse do ta bëjë, transmeton Express.

Navalny është bërë lideri më i rëndësishëm opozitar në Rusi pasi që ka organizuar disa nga protestat më të mëdha kundër Kremlinit në vitet e fundit, të cilin e akuzon për korrupsion të lartë.

-Advertisement-

Por, në shkurt të këtij viti një gjykatë ruse e dënoi atë më pesë vjet burgim me kusht për përvetësim, në një rast për të cilin ai thotë se ishte sajuar kundër tij për të mos e lënë të garojë për president.

Ndërkohë, Pamfilova ia ka bërë me dije se dënimi do t’ia pamundësojë atij pjesëmarrjen në zgjedhje.

“Kam frikë se jam e pasjellshme, por e kuptoj – dhe ai e kupton edhe vetë – se ai nuk ka gjasa të regjistrohet për të marrë pjesë në zgjedhje si pasojë e dënimit të tij të mëparshëm,” ka thënë ajo./Express/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy