Edhe pas një muaji e gjysmë nga ngjarjet e përgjakshme në Kuvend, Prokuroria nuk jep detaje deri ku është procedura me deputetët e VMRO-së, Kërsto Mukovski dhe Sasho Vasilevski për të cilët ekzistojnë dyshime se i kanë hapur dyert e Kuvendit.

Nga Prokuroria për Alsat M thanë se po veprojnë për rastin.

“Në këtë lëndë vepron një ekip i prokurorëve publik të cilët për momentin i analizojnë dokumentet e mbërritura. Ende është herët të thuhet çfarëdo qoftë lidhur me procedurën e mëtutjeshme”. njoftojnë nga Prokuroria Publike për Ndjekjen e Korrupsionit dhe Krimit të Organizuar.

-Advertisement-

Për përgjegjësinë e policisë, ministri Oliver Spasovski, këtë javë e pret raportin e grupit të punës. Raporti duhet të tregojë nëse shtabi operativ i MPB-së më 27 prill ka shkelur procedurat. Por, përveç policëve, në emisionin “360 gradë”, në Alsat M u hap çështja edhe e përgjegjësisë së ushtrisë. Sipas burimeve të “360 Gradë”, mes turmës ka pasur edhe një çetë të tërë të eprorëve, agjentëve, ushtarëve dhe punëtorëve të tjerë në ushtri. Për ish eprorët e lartë në shtatmadhorinë e armatës, pjesëmarrja e forcave të sigurisë në turma është shkelje e kodeksit dhe rregullave të përgjithshme të armatës.

“Përgjithësisht, jo vetëm në Kuvend, dihet ku është vendi i pjesëtarëve të Ushtrisë. Nuk munden të jenë në ngjarje pasi kjo thjeshtë bie ndesh me rregullat e përgjithshme të atij pjesëmarrësi që është pjesë e ndonjë njësiti të armatosur”,tha Dragan Andreski, gjeneral nënkolonel në pension.

Për përgjegjësinë e pjesëmarrësve nga ushtria në të enjten e përgjakshme, ish ministri i Mbrojtjes, Zoran Jolevski, rastin ia la në dorë prokurorisë por edhe e la ta zgjidhet ministrja e re Radmilla Sheqerinska. Për momentin nuk ka koment as nga zëvendësministri i deritanishëm i mbrojtjes, Bekim Maksuti. Deri më tani për sulmin në Kuvend janë shqiptuar vetëm nëntë dënime me kusht. Dy persona janë akuzuar për tentim vrasje, për rrahjen brutale të deputetit Zijadin Sela.

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-