Lajme

Vapa në Zvicër “ka mbytur” tre fish më shumë njerëz se sa trafiku!

Autori: Gazeta inFokus 14:18 | 05 June 2017

Në verën me vapë që mbahet mend, të vitit 2003 numri i viktimave ka qenë 975 sish

Në historinë më të re të Zvicrës, janë dy vite që identifikohen si vitet që janë karakterizuar me vapë më të madhe, tropikale: 2003 dhe 2015. Për pasojë, është shënuar edhe numër më i madh vdekjesh në krahasim me vitet tjera me stinë “normale” të verës.

Tash së voni, hulumtuesit e klimës nga universiteti ETH i Cyrihut kanë dalë me një raport për numrin e të vdekurve si pasojë e vapës në dy verat e përmendura, shkruan NZZ am Sonntag. Kështu sipas këtij raporti, në muajt nga qershori deri në gusht të vitit 2015 në Zvicër kanë vdekur 804 persona më shumë se në një periudhë të tillë të një viti “normal”; transmeton albinfo.ch. Ndërsa në verën me vapë që mbahet mend, të vitit 2003 ky numër ka qenë edhe më i madh, 975 sish.

-Advertisement-

Këto shifra, sipas autorëve të raportit, janë për tri herë më të larta se ato të viktimave në trafik.

Studiuesit e klimës nga ETH thonë se duhet llogaritur një mesatare prej një vere me vapë të madhe në pesë vjet. Për këtë arsye, autoritetet federale kanë publikuar një listë masash për t`u përballur me pasojat e një vape të tillë. Këto masa përfshijnë fushata informimi, sistem nacional paralajmërimi etj. /albinfo

Subscribe në YouTube: GAZETA INFOKUSI