Lajme

OVL-UÇK, deputetëve: Zgjojeni trurin e fjetur, ndryshoni ligjin për Specialen!

Autori: Gazeta inFokus 13:50 | 03 Maj 2017

Organizata e Veteranëve të Luftës së UÇK-së e përkrah fuqishëm kërkesën e disa deputetëve që të diskutohet në Kuvend për plotësim-ndryshimin e Ligjit për Gjykatën Speciale.

Nënkryetari i OVL-UÇK-së, Nasim Haradinaj ka thënë për “Indeksonline” se kjo organizatë nuk është kundër Speciales, por është kundër hetimit të njëanshëm.

Ai ka deklaruar se agresori ka qenë okupatori serb që edhe e ka pasur fuqinë të bëjë krime, andaj Specialja duhet të punojë dyanshëm.

-Advertisement-

“Po e theksoj edhe një herë se Organizata e Veteranëve nuk është kundër Speciales, por ajo është e njëanshme. Sepse vet fakti i pranimit të deputetëve që Gjykata Speciale të merret njëanshëm me njerëz atëherë ti po e pranon që ke bë krime. Ne nuk e dimë apriori se a do të ketë krime, por të paktën të hetohen për to sepse të hetohesh nuk do të thotë se ke bë krime. Dihet kush ka qenë agresori dhe dihet kush e ka pasur forcën me bë krime. Ne presim patjetër ndryshime”, ka thënë Haradinaj.

Ai ka deklaruar se OVL-UÇK është shtyrë nga familjarët e të pagjeturve që ta kërkojë plotësim-ndryshimin e Ligjit për Specialen. Sipas tij, OVL nuk ka të bëjë asgjë me deputetët dhe askë tjetër.

“Tek njerëzit është zgju ora e tyre e fjetur për gabimet e tyre që i kanë bë. Ne jemi Kryesi e re dhe ne na kanë detyruar familjarët edhe të atyre të pagjeturve dhe atyre iu kemi bashkuar. Ne nuk kemi lidhje me deputetë. Jemi kategorikisht që kjo të hyjë në Kuvend. Besoj se deputetët do ta kenë atë fije të trurit dhe do ta fusin në funksion pjesën e trurit të fjetur e do ta dinë atë gabim që e kanë bë kur e kanë futur ligjin e njëanshëm për Specialen””, ka thënë tutje ai.

Haradinaj duke komentuar kohën kur pritet të nisin aktakuzat (në fund të muajit maj), ka thënë se ka mjaftueshëm kohë që të nisin procedurat për t`i përgatitur dosjet edhe për palën tjetër.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy