Fokus

Smajli i kundërpërgjigjet Valon Ramadanit: Nuk na ndalin paditë, do të vazhdojmë të raportojmë me fakte

Autori: Gazeta inFokus 15:36 | 08 July 2026

Gazetarja e Infokusit, Hateme Smajli, ka reaguar pas padisë së paralajmëruar nga deputeti i LVV-së, Valon Ramadani, duke theksuar se raportimi i Infokusit është bazuar në dokumente zyrtare dhe fakte të verifikuara.

Në reagimin e saj publik, Smajli ka kundërshtuar pretendimet e Ramadanit se padia është bërë për të parandaluar “helmimin e opinionit publik”, duke thënë se Infokusi ka vepruar në përputhje me standardet profesionale të gazetarisë.

Sipas saj, informacionet për hulumtimin kanë qenë në posedim të redaksisë prej kohësh, por publikimi është bërë vetëm pasi janë siguruar dokumentet zyrtare përkatëse. Ajo ka shtuar se para publikimit është kontaktuar edhe babai i deputetit, Hysni Ramadani, i cili sipas saj e ka konfirmuar privatizimin e pronës që është objekt i raportimit.

-Advertisement-

Për herë të parë, AKP privatizon edhe RRUGË – Prona e blerë nga babai i deputetit Valon Ramadani rezulton të jetë rrugë

Smajli ka rikujtuar se tema e hulumtimit lidhet me privatizimin e pronës shtetërore, duke pretenduar se me dokumente zyrtare është dëshmuar se babai i deputetit ka privatizuar një rrugë, ndërsa më vonë janë siguruar edhe konfirmime nga Agjencia Kosovare e Privatizimit lidhur me prona të tjera në zonën e Nekodimit, Varoshit dhe Fshatit të Vjetër.

Ajo ka deklaruar se paditë nuk do ta ndalin punën e saj dhe të mediumit ku punon, duke theksuar se detyra e gazetarëve është raportimi i fakteve dhe jo mbrojtja e reputacionit të politikanëve.

Në reagimin e saj, gazetarja ka akuzuar gjithashtu për presion, fyerje dhe ofendime pas publikimit të hulumtimit, duke thënë se janë shënjestruar edhe familjarë të stafit të mediumit.

“Të flasësh për helmim të opinionit publik, ndërkohë që organizohen fushata fyerjesh, sharjesh dhe tentativash për linçim publik ndaj gazetarëve, është së paku turp”, ka deklaruar ajo.

Smajli ka bërë të ditur se ajo dhe Infokusi tashmë kanë dorëzuar një padi për shpifje ndaj Ramadanit më 19 qershor 2026 dhe ka paralajmëruar se do të vazhdojnë të raportojnë për këtë çështje dhe çdo informacion të ri që lidhet me të.

Infokus PADIT deputetin e LVV-së, Valon Ramadanin për shpifje dhe fyerje ndaj mediumit (Dokument)

“Unë dhe Infokusi do të vazhdojmë të raportojmë vetëm me fakte dhe vetëm në interes të publikut”, ka përfunduar ajo./GazetaInfokus

AKP-ja konfirmon pazarin me negocim: Babai i Valon Ramadanit bleu pronën publike me 120 euro për metër katror

“S’kam kohë me u marrë me tyli gazetari”, babai i ish-deputetit të VV-së, Valon Ramadani, me sjellje arrogante kur pyetet për blerjen e pronës me negocim nga AKP-ja

Familjari i Valon Ramadanit në krye të fushatës së sharjeve të rënda ndaj gazetarit Dakaj, deputeti i LVV-së që Infokus ia zbuloi privatizimin e tokës

 

 

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy