Gazeta Infokus ka depozituar padi në Gjykatën Themelore në Prishtinë kundër deputetit të Vetevendosjes, Valon Ramadanit, duke kërkuar që ai të përgjigjet ligjërisht për shpifje dhe fyerje që kanë dëmtuar reputacionin dhe imazhin e mediumit.

Sipas padisë, statusi i publikuar nga Ramadani më 6 qershor 2026 në profilin e tij në Facebook i cili nuk përmban as edhe një provë apo fakt, kishte për qëllim të komprometojë besueshmërinë e Infokus, duke ndikuar negativisht edhe në marrëdhëniet e saj me partnerët, sponsorët dhe publikun.

Reagimi i tij erdhi pas raportimit të Infokusit, i cili bazohej në fakte dhe dokumente zyrtare, ku dëshmohej blerja e një prone publike me negocim nga babai i Valon Ramadanit përmes Agjencisë Kadastale të Kosovës – pronë 2,524 metra katror, e që në dokumentet zyrtare të AKP-së u fshehën emrat e blerësve.

-Advertisement-

Linku i raportimit:

EKSKLUZIVE: Albin Kurti përmes AKP-së i shet pa tender pronë 2524m² babait të deputetit Valon Ramadani, i fsheh emrin në dokumente

Infokus në padi argumenton se deklaratat e Ramadanit janë të pavërteta dhe nuk mund të justifikohen nga liria e shprehjes ose interesi publik, duke shkaktuar dëme materiale dhe jomateriale për mediumin dhe stafin e tij. Mediumi kërkon kompensim dhe përgjigje ligjore për përmbajtjen e publikuar.

DOKUMENTI I PADISË

 

Ky proces nënvizon rëndësinë e mbrojtjes së reputacionit të mediave dhe rolin e gazetarisë profesionale në sigurimin e raportimit të saktë dhe të besueshëm të fakteve.

Çfarë raportoi Infokus dhe cili ishte reagimi i Ramadanit?

Më 6 qershor 2026, Infokus publikoi një dokument të AKP-së të paredaktuar i cili dëshmonte ekzistencën e këtij transaksioni, ku faktohej se babai i Valon Ramadanit, Hysni Ramadani, kishte blerë pronë pa tender 2,524 metra katror së bashku me bashkëpronarin tjetër, Shaban Aliun, përmes Agjencisë Kosovare të Privatizimit.

Ky raportim u konfirmua më vonë edhe nga AKP-ja, sipas të cilës prona u shit me 120 euro/metër katror, për shkak të disa problemeve që “pengonin hapjen e tenderit”.

Në të njëjtën ditë, Ramadani reagoi në rrjetet sociale, duke ofenduar Infokusin dhe quajtur gazetarët “shantazhues”, ndryshe nga raportimi i faktuar i mediumit. Ai mohoi blerjen e dokumentuar, duke mos dhënë asnjë provë që të kundërshtonte faktet e publikuara.

“Ditën para zgjedhjeve disa shantazhues me emrin ‘Infokusi’ po përpiqen me shpifje të dëmtojnë imazhin tim dhe të familjes time. Kjo ndodh me qëllimin që të mos kem kohë t’ia shpjegoj elektoratit pavërtetësinë e pretendimeve të tyre. Prandaj unë sot nis menjëherë padi ndaj tyre dhe çdo personi që shpërndan ato shpifje. Njëkohësisht do të angazhoj hulumtues për të kuptuar se cilët janë porositësit e këtij sulmi të ulët”, shkruante Ramadani.

Megjithatë, padia që ai paralajmëroi më 6 qershor nuk është dorëzuar kurrë në adresë të Infokusit.

AKP-ja konfirmon pazarin me negocim: Babai i Valon Ramadanit bleu pronën publike me 120 euro për metër katror

Hateme Smajli reagon ndaj shpifjeve të Valon Ramadanit: Reagimi me sulme në vend të fakteve dhe argumenteve nuk na ndalojnë

Familjari i Valon Ramadanit në krye të fushatës së sharjeve të rënda ndaj gazetarit Dakaj, deputeti i LVV-së që Infokus ia zbuloi privatizimin e tokës

Smajli reagon pas sharjeve ndaj Dakajt që u bënë nga familjari i Valon Ramadanit: “Po mundohen ta largojnë vëmendjen nga skandalet e tyre”

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-