Fokus

Smajli reagon pas sharjeve ndaj Dakajt që u bënë nga familjari i Valon Ramadanit: “Po mundohen ta largojnë vëmendjen nga skandalet e tyre”

Autori: Gazeta inFokus 13:41 | 16 Qershor 2026

Gazetarja dhe redaktorja e Infokus Hateme Smajli, ka reaguar pas sharjeve dhe ofendimeve të drejtuara ndaj gazetarit Shkelzen Dakaj nga një familjar i deputetit të Lëvizjes Vetëvendosje, Valon Ramadani.

Përmes një postimi në rrjetet sociale, Smajli ka thënë se sulmet ndaj Dakajt nuk kanë të bëjnë me debatet e fundit në opinion publik, por me përpjekjet për të larguar vëmendjen nga hulumtimet e publikuara nga Infokus.

“Si duket, këta ofendues të skajshëm në rrjetet sociale, që janë në gjendje të të shajnë edhe vajzat e mitura, e kanë hallin shumë më të thellë sesa çështja se kush kë e ka ‘lavdëruar’ gjatë fushatës”, ka shkruar ajo.

-Advertisement-

Sipas Smajlit, reagimet dhe fushata e ofendimeve kanë ardhur pas raportimit të Infokusit për shitjen e një parcele shtetërore tek babai i deputetit Valon Ramadani përmes negocimit nga Agjencia Kosovare e Privatizimit.

“Siç po shihet, halli i tyre buron nga përpjekja për të larguar vëmendjen nga skandalet e tyre, siç është rasti i shitjes së tokës përmes negocimit nga AKP-ja, e cila përfundoi në pronësi të babait të deputetit të LVV-së, Valon Ramadani, me vetëm 120 euro për metër katror”, ka deklaruar ajo.

Smajli ka theksuar se, pavarësisht sulmeve dhe presionit, redaksia do të vazhdojë me publikimin e hulumtimeve të reja.

“Mos u ndalni, sepse as ne nuk e kemi ndërmend të ndalemi”, ka shkruar ajo.

Në fund, ajo ka përmendur edhe faktin se AKP-ja vazhdon të mos publikojë dhjetëra kontrata të tjera të realizuara me negocim dhe ka paralajmëruar publikimin e hulumtimeve të reja.

“Skandale të tjera po vijnë”, ka përfunduar Smajli./GazetaInfokus

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy