Lajme

Muharremi: LVV po shkon drejt opozitës, strategjia “o krejt, o asgjë” e ka izoluar politikisht

Autori: Gazeta inFokus 12:39 | 21 Korrik 2025

Analisti Shenoll Muharremi ka vlerësuar se Lëvizja Vetëvendosje nuk po pajtohet me realitetin se duhet të kalojë në opozitë, pas dështimit për të krijuar shumicë parlamentare në 50 seanca radhazi që nga zgjedhjet e 9 shkurtit, shkruan Gazeta Infokus.

Sipas tij, përkundër rezultatit të lartë elektoral prej 42.3%, Vetëvendosje nuk po arrin të sigurojë partnerë për bashkëqeverisje, si pasojë e qëndrimeve kontradiktore dhe qasjes armiqësore ndaj partive të tjera.

“LVV ka fituar zgjedhjet, por e ka humbur betejën politike me qasje të gabuar. Strategjia ‘o krejt, o asgjë’ po e dërgon partinë në opozitë”, ka deklaruar Muharremi.

-Advertisement-

Ai ka paralajmëruar se kjo situatë vetëm do të përkeqësohet në të ardhmen, kur përkrahja për këtë subjekt politik të nisë të zbehet. “Nëse LVV nuk po arrin me formu shumicën tani me gjithë këtë përkrahje, çka do të ndodhë kur të bie në 30%?”, ka pyetur ai.

Sipas analistit, Vetëvendosje ka dështuar të krijojë aleanca dhe ka humbur besimin e potencialëve partnerëve, ndërsa lideri i saj, Albin Kurti, ka gabuar rëndë në strategjinë zgjedhore.

“LVV duhet të përgatitet për opozitë – tash kjo duket një rrugë shumë e mundshme pas dështimit për të ndërtuar shumicë. Reforma e thellë është e domosdoshme nëse dëshiron të mbetet relevante në skenën politike,” përfundon Muharremi./Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy