Lajme

E god*iti disa herë me grushte në fytyrë, Prokuroria kërkon paraburgim për policin që keqtrajtoi një qytetar në Prizren

Autori: Gazeta inFokus 11:25 | 17 Qershor 2025

Prokuroria Themelore në Prizren ka kërkuar masën e paraburgimit ndaj një zyrtari policor të arrestuar nën dyshimin për “Keqtrajtim gjatë ushtrimit të detyrës zyrtare ose autorizimeve publike” dhe “Lëndim të rëndë trupor”.

Sipas njoftimit të Prokurorisë, ngjarja ka ndodhur më 14 qershor 2025, rreth orës 21:35, në rrugën “Ekrem Rexha” në Prizren. I dyshuari R.P., në cilësinë e zyrtarit policor, së bashku me kolegun e tij N.B., dyshohet se ka keqtrajtuar qytetarin S.F. gjatë ushtrimit të detyrës.

Ngjarja ka nisur pasi të dëmtuarit i ishte shqiptuar një gjobë për parkim të palejuar. Zyrtarët policorë kishin vendosur gjobën në xhamin e veturës, ndërsa i dëmtuari, që ndodhej në një kafiteri aty pranë, ka dalë jashtë dhe e ka hedhur gjobën në tokë. Më pas, policët i kanë kërkuar të paraqesë dokument identifikimi, por ai nuk i është bindur urdhrit.

-Advertisement-

Sipas dosjes hetimore, gjatë tentativës për ta arrestuar, i dëmtuari ka ofruar rezistencë. I dyshuari R.P. i ka vendosur këmbën të dëmtuarit për ta neutralizuar, duke shkaktuar rrëzimin e tij dhe të kolegut N.B.. Më pas, derisa i dëmtuari ishte i shtrirë në tokë, R.P. dyshohet se e ka goditur disa herë me grusht në pjesën e kokës – në zonën e syrit dhe veshit të majtë – duke i shkaktuar lëndime të konsiderueshme trupore.

Prokuroria ka theksuar se me këto veprime janë përmbushur elementet e veprave penale të lartëcekura dhe se rasti është trajtuar me prioritet.

“Prokuroria Themelore në Prizren mbetet e përkushtuar në luftën kundër çdo forme të shkeljes së ligjit, përfshirë edhe nga zyrtarët publikë. Sundimi i ligjit dhe përgjegjësia para drejtësisë janë parime të panegociueshme,” thuhet në njoftim.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy