Lajme

Gërvalla udhëton drejt Tiranës, merr pjesë në takimin me 13 shtetet e rajonit

Autori: Gazeta inFokus 09:39 | 16 Qershor 2025

Zëvendëskryeministrja dhe Ministrja në detyrë e Punëve të Jashtme dhe Diasporës, Donika Gërvalla, ka udhëtuar sot drejt Tiranës për të marrë pjesë në takimin e Ministrave të Jashtëm të Procesit të Bashkëpunimit të Evropës Juglindore (SEECP), i cili po mbahet nën organizimin e Shqipërisë si Kryesuese e radhës.

Sipas njoftimit të MPJD takimi zhvillohet me ftesë të Ministrit për Evropë dhe Punë të Jashtme të Shqipërisë, Igli Hasani, dhe ka për qëllim thellimin e bashkëpunimit rajonal dhe përshpejtimin e integrimit evropian, shkruan Gazeta Infokus.

Tema qendrore e këtij viti është: “Fuqizimi i Konkurrencës Rajonale dhe rritja gjithëpërfshirëse, si rruga drejt Integrimit në BE për vendet pjesëmarrëse të SEECP-së që aspirojnë anëtarësimin”, duke nxitur diskutime mbi zhvillimin ekonomik dhe rritjen e konkurrueshmërisë në rajon.

-Advertisement-

“Pjesëmarrja e Ministres Gërvalla në këtë takim tregon përkushtimin e palëkundur të Republikës së Kosovës ndaj bashkëpunimit rajonal dhe rrugës evropiane, si dhe mbështetjen për nisma që shtyejnë përpara paqen, stabilitetin, sigurinë dhe përparimin e përbashkët në Evropën Juglindore”, thuhet në njoftimin e MPJD-së.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy