Kryetari i Bashkësisë Islame të Kosovës, Myftiu Naim ef. Tërnava, i është adresuar opinionit publik dhe gjithë besimtarëve myslimanë me mesazh urimi me rastin e fillimit të muajit të bekuar Ramazan.

“Sonte me faljen e namazit të taravive e me ngrënie e syfyrit në agimin e nesërm besimtarët musliman nisin ibadetin e agjërimit të muajit të bekuar të ramazanit. Sonte kemi natën e madhe të Ramazanit ku me këtë rast kam kënaqësinë që në emër të BIK të drejtohem me përkushtimin dhe urimet më të mira me bindjen dhe shpresën që ta presim dhe përjetojmë agjërimin e muajit të bekuar me përkushtim, me lutje, ibadete, bamirësi dhe solidaritet”, tha ai.

Myftiu Tërnava tha se Ramazani është një muaj madhështor, muaj në të cilin shumëfishohen veprat e mira dhe falen mëkatet për ata që agjërojnë dhe falin namazin me besim dhe devotshmëri.

-Advertisement-

“Me rastin e fillimit të këtij muaji të bekuar, këshilloj vëllezërit dhe motrat e mi kudo që janë që të kenë frikë nga Zoti i Madhëruar, të garojnë në vepra të mira, të urdhërojnë njëri-tjetrin për të bërë mirë, të jenë të durueshëm ta ruajnë unitetin e të mos përçahen, të bashkëpunojnë në mirësi, urtësi dhe devotshmëri, si dhe të ruhen nga të gjitha ato mëkate që Zoti i ka ndaluar. Kjo ngase Ramazani është një muaj madhështor, muaj në të cilin shumëfishohen veprat e mira dhe falen mëkatet për ata që agjërojnë dhe falin namazin me besim dhe devotshmëri, duke kërkuar kështu shpërblimin për punët e tyre”, tha ai.

Myftiu Tërnava tha se agjërimi ka shumë dobi dhe urtësi.

“Duke e bërë agjërimin në formën më të mirë, besimtari e fisnikëron moralin, durimin, bujarinë dhe përpjekjet në atë që e kënaq Zotin. Muaji Ramazan është një mundësi që vjen vetëm një herë në vit, andaj ta shfrytëzojmë këtë mundësi dhe të përfitojmë prej tij, sikur të jetë Ramazani i fundit që do ta përjetojmë. Urime, shëndet dhe mbarësi për të gjithë besimtarët kudo që janë! Agjërim të lehtë dhe të pranuar te Zoti”, tha ai.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-