Lajme

Gërvalla për Lajçakun: E çoi në dështim dialogun, s’ka pasur strategji të mirëfilltë

Autori: Gazeta inFokus 09:53 | 25 October 2024

Donika Gërvalla, ministre e Punëve të Jashtme dhe Diasporës, ka folur në lidhje me dialogun në mes Kosovës dhe Serbisë.

Në një intervistë në Kanal 10, Gërvalla ka pasur kritika të ashpra ndaj vetë lehtësuesit Miroslav Lajçak, i dërguar i posaçëm i BE-së për dialogun mes Kosovës dhe Serbisë.

Gërvalla e ka akuzuar Lajçakun se e ka dërguar në dështim dialogun dhe se nuk ka pasur një strategji të mirëfilltë.

-Advertisement-

“Jo vetëm me strategji të gabuar, por me mungesë totale të strategjisë së dialogut, e ka çuar këtë dialog deri në këtë moment në dështim. Unë konsideroj që ai nuk ka pasur një strategji të mirëfilltë, e cila do mund të kishte çuar në sukses, nuk ka pasur. Shumë shpesh ka qenë i njëanshëm dhe ia ka mbajtur anën Serbisë dhe shumë shpesh propozimet që i kanë bërë kanë qenë të destinuara të dështojnë, sepse nuk i kanë respektuar realitet”, tha Gërvalla.

Subscribe në YouTube: GAZETA INFOKUSI