Komuna e Gjilanit e drejtuar nga Alban Hyseni i Lëvizjes Vetëvendosjes po këmbëngulë që projekti i renovimit të stadiumit të qytetit të vazhdoj, përkundër shumë shkeljeve të evidentuara nga Organi Shqyrtues i Prokurimit.

Për këtë në adresë të Gjykatës së Tenderëve ka arritur një kërkesë jo e zakonshme.

Komuna e Gjilanit po i kërkon OSHP-së të marr vendim “Shfuqizohet Vendimi me nr të protokollit 2024/0521 i datës 09 gusht 2024”, me të cilën krejt procesi kthehet në pikën zero.

Lexoni: Kërkesa për shfuqizim të vendimit

OSHP-ja në muajin gusht e anuloi në tërësi këtë tender, pasi gjeti shumë shkelje, por kjo nuk po i pëlqen drejtuesve të komunës së Gjilanit.

Ekskluzive: OSHP anulon tenderin për renovimin e stadiumit të Gjilanit, ku kishte fituar një konzorcium për dy milionë euro më i shtrenjtë

Një prej shkeljeve të evidentuara nga Organi Shqyrtues i Prokurimit, është edhe fakti që tenderin e fitoi një kompani për rreth dy milionë euro më e shtrenjtë.

Ekskluzive: Fitoi kompania për rreth dy milionë euro më e shtrenjtë, krimet ekonomike nisin hetimet për tenderin e renovimit të Stadiumit të Gjilanit

Dhjetë ditë pas këtij vendimi, komuna e Gjilanit i është drejtuar bordit të OSHP-së, që vendimi për anulimin e tenderit të rrëzohet poshtë.

Në kërkesën e siguruar nga Gazeta Infokus, shihet se kërkesa është bërë përmes kryetarit të komunës, Alban Hyseni, nga zyrtari përgjegjës i Prokurimit në komunën e Gjilanit.

“Në si Autoritet Kontraktues konsiderojmë se ky vendim për anulimin e aktivitetit të prokurimit është nxjerrë në kundërshtim me gjendjen faktike dhe dispozitat ligjore të aplikueshme. Sepse në bazë të rrethanave të rastit konkret, paneli shqyrtues ka marrrë një vendim që nuk është i mbështetur në gjendjen faktike dhe në dispozitat juridike të parapara me legjislacionin për prokurim publik”, theksohet në pikën dy të kërkesës së komunës së Gjilanit.

Më tej, komuna pretendon se vendimi i panelit shqyrtues bie në kundërshtim me vendimet e mëparshme të OSHP-së.

“Duke përfshirë edhe vendimin me nr. 2024/0109, ku është vërtetuar ligjshmëria e kushteve dhe kritereve të dosjes së tenderit, që nënkupton se në bazë të nenit 105 kjo është një çështje e gjykuar”, thuhet në kërkesë.

Tenderi për renovimin e stadiumit të Gjilanit është përcjellur më shumë parregullësi, të cilat kulmuan me vendimin e OSHP-së që tenderi të anulohet.

Infokus ka raportuar në vazhdimësi për një sërë shkeljesh në këtë tender, të cilat tashmë janë bërë edhe subjekt i një hetimi të nisur nga Krimet Ekonomike të Policisë së Kosovës.

Fillimisht, Infokus ka raportuar për problematika në fazën e përzgjedhjes së fituesit, e më pas edhe për faktin se fitues i tenderit doli një kompani që ofertoi me çmim për rreth dy milionë euro më të shtrenjtë.

Komuna e Gjilanit e kishte shpallur fitues konzorciumin “Demiri Cartenbau CmblI”, “Avag Group SH.P.K”, “Bl-Bau. SH.P.K., “Bujar Shabar”, “B.L: Kosova”, “Asfalt SH.P.K”, “K.N.T.SH. Teuta – M”, “SH. R.M. Lagerstrasse 1-1”, “6600 Lubendorf” që ofertuan me 14 milionë e 997 mijë euro.

Operatori Ekonomik më i lirë në këtë tender kishte ofertuar me 1 milionë e 720 mijë euro më pak.

Anulimin e tenderit e kishte rekomanduar edhe eksperti i Organit Shqyrtues të Prokurimit. /Gazeta Infokus

BKS-ja kërkon nga Institucionet që sigurimi për bujqit të bëhët obligativ

Sponsoruar