Lajme

Policia dhe Krimet Ekonomike kthehen me një aksion tjetër në Veri

Autori: Gazeta inFokus 14:39 | 29 Maj 2024

Më pak se 10 ditë pas mbylljes së institucioneve financiare të Serbisë në veri, Policia e Kosovës sot sërish ka shkruar në veri të vendit.

Kossev raporton se bëhet fjalë për njësinë e krimit ekonomik nga Prishtina, e cila ndihmohet nga policia e rajonit të Veriut.

Siç raporton mediumi lokal serb, ekipet e Policisë së Kosovës ndodhen tek njëri nga gjashtë objektet financiare serbe të mbyllura në veri

-Advertisement-

Ata siç raportohet, kanë zhbllokuar dhe kanë pritur që arkëtari i këtij shërbimi t’ia sjellë çelësin e kasafortës.

Se ndërhyrja ka të bëjë me një kasafortë për të cilën nuk ka pasur çelës në aksionin paraprak, e ka konfirmuar edhe zëvendësdrejtori i Policisë në rajonin e veriut, Veton Elshani.

Në vendin e ngjarjes janë të pranishëm edhe patrullat dhe oficerët e EULEX-it, pasi brenda janë dy oficerë evropianë, ndërsa një automjet i EULEX-it është duke patrulluar gjatë gjithë kohës.

E aksioni u ndërmor pak ditë pasi dështoi edhe takimi i shtatë në Bruksel për gjetjen e një zgjidhjeje sa i përket dinarit në mesin e komunitetit serb.

Sipas rregullores së BQK-së, që u miratua në shkurt të këtij viti, valuta me të cilën mund të kryhen pagesat me para të gatshme është vetëm euro.

Ndaj aksionit reagoi edhe Departamenti Amerikan i Shtetit që e cilësoi veprimin si përshkallëzues të tensioneve. Edhe Bashkimi Evropian ka deklaruar se ky veprim nxit tensione.

E Qeveria ka thënë se çdo veprim ka qenë i bazuar mbi ligjshmërinë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy