Lajme

Polonia përgatitet për luftë, ministri i Mbrojtjes: Investojmë miliarda për “Mburojën Lindore”, kemi 700 kilometra kufi për të siguruar

Autori: Gazeta inFokus 13:41 | 28 Maj 2024

Polonia po përgatitet gjithmonë e më shumë për një agresion të mundshëm të Rusisë.

Ministri polak i mbrojtjes Wadislav Kosiniak-Kamysz njoftoi angazhimin në programin “Mburoja Lindore”, operacioni më i madh për përforcimin e kufirit lindor të Polonisë dhe në të njëjtën kohë edhe krahun lindor të NATO-s që nga viti 1945. Polonia, u shpreh ai, dëshiron të investojë miliarda për fortifikimin e kufirit të saj lindor për t’u mbrojtur nga sulmet e mundshme. Me këtë program Polonia reagon ndaj agresionit rus dhe luftës në Ukrainë, që po vazhdon prej më shumë se dy vjetësh.

“Polonia planifikon ngritjen e fortifikimeve dhe vendosjen e pengesave të llojeve të ndryshme në kufi, por edhe instalimin e sistemeve moderne për mbikëqyrjen e trafikut ajror në çdo parametër dhe në çdo lartësi. Ne kemi 700 kilometra kufi për të siguruar, 400 kilometra prej të cilëve janë me Bjellorusinë”, tha Kamysz.

-Advertisement-

Në sistemin mbrojtës një rol vendimtar do të luajnë pajisjet dhe impiantet për mbrojtjen nga sulmet me dronë, sqaroi shefi i Shtabit të Përgjithshëm të Ushtrisë Polake, Vieslav Kukula. Kufiri i Polonisë është edhe kufi i jashtëm i BE-së. Zbatimi i masave fortifikuese pritet të fillojë këtë vit. Fortifikimi i kufirit pritet të kushtojë 2.3 miliardë euro. Polonia llogarit që për këtë projekt të marrë edhe ndihma nga Bashkimi Europian.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy