Presidentja Vjosa Osmani është takuar sot me ambasadorin amerikan, Jeff Hovenier, ambasadorin gjerman, Jorn Rohde dhe me ambasadorin britanik, Jonathan Hargreaves, pasi ministrja e Punëve të Jashtme Donika Gërvalla njoftoi se i ka dërguar letër Këshillit Evropian me zotimin që do të dërgojnë në Kushtetuese, draft statutin për Asociacionin.

Këtë e ka konfirmuar për Gazetën INFOKUS, këshilltari për medie i presidentes, Bekim Kupina i cili ka thënë se takimi ka qenë në mënyrë që të koordinohen për hapat për zhbllokim të antarësimit të Kosovës në Këshillin e Evropës.

“Janë takuar për koordinim të hapave për zhbllokim të anëtarësimit në KE”, ka thënë shkurt Kupina.

-Advertisement-

Sot e para e diplomacisë kosovare, Donika Gërvalla i dërgoi një letër Presidentit të Asamblesë Parlamentare të Këshillit të Evropës, ku zotohet sërish se Qeveria e Kosovës do ta zbatojë obligimin për Asociacionin.

Në këtë letër zotimi, ajo ka theksuar se se Kosova do të përgatisë një draft të ri për krijimin e një mekanizmi për vetmenaxhim, koordinim dhe bashkëpunim të komunave me shumicë serbe në Kosovë.

Derisa në lidhje me këtë kanë reaguar edhe nga Presidenca.

Në komunikatë thuhej se “Letra e djeshme e Qeverisë së Kosovës dërguar në KiE, nuk është konsultuar dhe dakorduar me Presidenten Osmani”

Osmani, siç shkruan në njoftim përkrah vetëm qëndrime dhe veprime paraprakisht të konsultuara, të koordinuara dhe të dakorduara me presidencën.

“Presidentja Osmani përkrahë vetëm qëndrime dhe veprime paraprakisht të konsultuara, të koordinuara dhe të dakorduara me institucionin e Presidencës si institucion kushtetues me kompetenca të qarta në fushën e politikës së jashtme dhe si gardian i funksionimit kushtetues të institucioneve.” – thuhet tutje.

Sipas presidencës kjo nuk është e tillë dhe Osmani gjatë gjithë ditës ka pasur konsultime me aleatët rreth anëtarësimit në KiE.

“Kjo letër nuk është e tillë. Mund të jetë konsultuar e koordinuar me individë jashtë institucioneve që sot e kanë publikuar këtë letër, por jo me Presidencën. Çdo derivat i letrës së zotimeve të nënshkruar nga tri institucionet duhet paraprakisht po ashtu të koordinohet dhe miratohet nga po këto tri institucione. Presidentja Osmani gjatë gjithë ditës po vazhdon konsultimet me aleatët rreth çështjes së anëtarësimit në Këshill të Evropës, ashtu siç ka bërë për një kohë të gjatë, me qëllim të zhbllokimit të këtij procesi.” – thuhet tutje./Gazeta Infokus/

Presidenca: Kurti dhe Gërvalla nuk e konsultuan Presidenten Osmani për letrën

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-