Lajme

Murati mburret përballë opozitës: Në Raportin e DASh-it fjala “korrupsion” përmendet 12 herë

Autori: Gazeta inFokus 13:06 | 02 May 2024

Ministri i Financave, Hekuran Murati, ka komentuar Raportin e Departamentit Amerikan të Shtetit, që ka evidentuar korrupsion serioz qeveritar për vitin 2023.

Ai ka dhënë vlerësimin e tij për raportin, duke thënë se fjala “korrupsion” në atë raport përmendet vetëm 12 herë, për çfarë është mburrur përballë opozitës parlamentare.

“Nëse i qasemi në mënyrë kuantitative dhe objektive mund ta shohim sa herë është përmendur, me një kalkulim të thjeshtë, 12 herë. Në vitin 2019 fjala ‘korrupsion’ është përmendur 24 herë. Sipas DASh, nëse e shikojmë në suaza kuantitative ka përgjysmim dhe ne e mirëpresim përgjysmimin e korrupsionit”, është shprehur Murati.

-Advertisement-

“Nëse hymë edhe në cilësi dhe analizojmë çka është shkruar edhe vetë raporti dhe raportuesi ka rënë pre e dezinformatave të mediave që janë pjesë e gardës së vjetër, pjesëtarë të shoqërisë civile që janë zhgatime të gardës së vjetër”.

Subscribe në YouTube: GAZETA INFOKUSI