Murati: Propaganda e Lumirit, si profilet false që pëlqyen postimin e tij
Autori: Gazeta inFokus 23:27 | 05 April 2024
Ministri i Financave, Hekuran Murati, ka thënë se LDK-ja po “dredhë numra e grafikona” me tentimin për të bindur ndokë për “rrenat e tyre”.
I pari i LDK-së, Lumir Abdixhiku, sot deklaroi se çdo postim a deklarim i qeverisë është i mbushur me propagandë.
“Në fakt, kjo çfarë po bën LDK-ja është vetë definicioni i propagandës – që një rrenë duhet të përsëritet mjaftueshëm derisa të fillojë të bëhet e besueshme. Për investimet kapitale, të vërtetën e thotë raporti zyrtar financiar, i cili edhe auditohet – investimet kapitale buxhetore për vitin 2023 janë 561 milionë euro” ka shkruar Murati në facebook.
Udhëheqësi i dikasterit të Financave ka thënë se Abdixhiku ka folur “për mbi 200 milionë euro kontrata të qeverisë, duke mos treguar qëllimshëm se bëhet fjalë për 3 vite, dhe duke mos përmendur se ministritë e komunat përbëjnë më pak se gjysmën”.
E për fund, Murati thotë se deklarimet e Abdixhikut janë po aq false sa profilet që kanë pëlqyer postimin e tij.
Ky është reagimi i plotë i Muratit:
Janë çu i madh e i vogël në LDK tash e disa ditë duke dredhë numra e grafikona, vetëm e vetëm që t’a bindin ndokë se rrenat e tyre janë të vërteta.
Në fakt, kjo çfarë po bën LDK-ja është vetë definicioni i propagandës – që një rrenë duhet të përsëritet mjaftueshëm derisa të fillojë të bëhet e besueshme.
Për investimet kapitale, të vërtetën e thotë raporti zyrtar financiar, i cili edhe auditohet
– investimet kapitale buxhetore për vitin 2023 janë 561 milionë euro.
Lumiri në anën tjetër po mundohet të na bindë që kjo nuk qenka e vërtetë sepse sipas tij ne i paskemi llogaritë edhe investimet e realizuara nga komunat, e që sipas tij “shumica udhëhiqen nga LDK-ja”.
E para, investimet kapitale buxhetore çdoherë llogariten duke përfshirë të gjitha nivelet. Për analiza më të detajuara, mund edhe të bëhet zbërthim në mes të nivelit qendror a lokal, e madje edhe njësi për njësi. Ju mund të bëni çfarëdo zbërthimesh që doni, përderisa e shpalosni saktë se çfarë shifra po prezantoni. Por kushdo që thotë se investimet kapitale buxhetore për vitin 2023 nuk janë 561 milionë euro, po e thotë të pavërtetën.
E dyta, nëse investimet kapitale të komunave në vitin 2023 qenkan 210 milionë euro, kurse në vitin 2017, që LDK-ja e merr si referencë, kanë qenë 110 milionë euro, atëherë demantu për demantu, kjo e demnaton vetëm propagandën e opozitës që komunat nuk po përkrahen me buxhet nga Qeveria Kurti. Pra me fjalë të veta, LDK po e pranon që në Qeverinë Kurti komunat kanë pasur dyfish më shumë buxhet sesa kur ka qeverisur LDK-ja.
Dhe e treta, Lumiri na bën pak me humor për investimet kapitale në komunat e LDK-së. Në Komunën e Prishtinës, ku deri së fundmi i kishim bashkë LDK e PDK, dhe ku e kishin shansin ideal të tregonin shembullin se sa të aftë janë për qeverisje, për vitin 2023 realizimi i buxhetit për investime kapitale ka qenë 42%. Vetëm Fushë Kosova është më keq. Këtu me sa shihet nuk u ka ndihmuar fare as konsulenca e shtrenjtë deri në abuzim, në vlerë 12 milionë euro. (A na tregon Lumir cili është rezultati i kësaj konsulence tash e një vit, me kosto 4 milione euro/vit?)
Për tenderët, të vërtetën e thotë ligji për prokurim publik, më saktësisht nenet 34 dhe 35 për Kontratat me Negocim Direkt. Pra secili prokurim me negocim direkt e ka bazën në ligj.
Por Lumiri, flet për “tenderë sekret” a “tenderë njëburimorë” vetëm e vetëm që të krijohet përshtypja tek qytetari që nuk e njeh ligjin e prokurimit, se paska diçka në këtë far pune. Mirëpo Lumiri ka mjaftueshëm njohuri sa ta dijë që këto shprehje “sekret” e “njëburimorë” as nuk ekzistojnë fare në ligj, dhe as nuk përshkruajnë saktë kontratat e negociuara, sepse mund të ketë negocim edhe me më shumë se një operator. Dhe megjithatë Lumiri i përdorë këto shprehje. Pra çfarë tjetër mund t’i thuhet kësaj, kur dikush qëllimshëm mundohet të deformojë të vërtetën, përveçse propagandë Lumir?!
Lumiri flet edhe për mbi 200 milionë euro kontrata të qeverisë, duke mos treguar qëllimshëm se bëhet fjalë për 3 vite, dhe duke mos përmendur se ministritë e komunat përbëjnë më pak se gjysmën. Por nëse flitet e vërteta atëherë nuk i zgjon kurreshtjen askujt. Fundja, rrena duhet të jetë aq shokuese saqë qytetari të mendojë se për një gjë kaq të madhe nuk do të bëhej hajgare. Pra kur përmenden “200 milionë euro tenderë sekret”, diçka duhet të ketë aty, mund të mendojë ndokush.
E kam shikuar në ministrinë që drejtoj, dhe prokurimi më i madh përmes kontratës së negociuar ishte për sigurimin dyvjeçar të mirëmbajtjes së sistemit të menaxhimit të financave publike (sistemi kryesor financiar i shtetit). Kontrata e tillë mund t’i ipet vetëm operatorit që ka dizajnuar sistemin, sepse nuk mund të shpallet tender për mirëmbajtje të një sistemi që vetëm një operator mund t’a ofrojë. Kjo është bërë kështu edhe kur kanë qenë ministra e qeveri tjera, sepse s’mund të bëhet ndryshe. Por Lumiri tash kësaj i thotë “tender sekret”, sepse ashtu e don propaganda.
Dhe për fund, për t’i vënë kapak propagandës, mjafton të shikoni pëlqimet në statusin e Lumirit. Shumica dërmuese e personave që kanë pëlqyer postimin e tij janë profile false.
Nuk bën kështu, Lumir. Kjo do të të falej nëse garon për kryetar klase, por kjo nuk është e denjë për dikë që pretendon të garojë për kryeministër.
Të tjera
-
As Peja s’gjen qetësi sonte, dyshohet për plagósje – Policia në vendin e ngjarjes
Një incident ka ndodhur sonte në Pejë, ku dyshohet se eskaluar në për...
-
Përleshje në Gjonaj të Prizrenit, lëndohen dy persona – njëri nga ta me ar*më zja*rri
Dy persona janë lënduar si pasojë e një përleshjeje që ka ndodhur mbrëmjen e ...
-
Valon Syla përplaset me Zana Avdiun: Vjosa Osmani e përpin edhe Albin Kurtin, ai e di këtë gjë
Një përplasje ka ndodhur mes Valon Sylës dhe Zana Avdiut. Analisti, Valon ...
-
Ministri Aliu: Projekti i linjës hekurudhore Durrës-Prishtinë po jetësohet
Ministri i Mjedisit, Planifikimit Hapësinor dhe Infrastrukturës, Liburn Aliu,...
-
Kurti: Parada të ushtrisë serbe aty ku u gjetën trupat e 744 shqiptarëve nga Kosova
Kryeministri i Kosovës, Albin Kurti, ka kujtuar të vrarët në masakrën e Vusht...
-
Haziri ngre dyshime për ndërhyrje në dosjen e Stadiumit të Gjilanit: Janë fikur kamerat që funksionojnë 24/7
Kryetari i LDK-së në Gjilan, Lutfi Haziri, ka thënë se për stadiumin e qyteti...
-
Asambleja Parlamentare e NATO-s shqyrton kërkesën e Kosovës për statusin e anëtarit të asociuar
Kosova do të jetë pjesë e agjendës së Asamblesë Parlamentare të NATO-s, e cil...
-
Ferizaj, i konfiskohet vetura 24-vjeçarit që voziti nën masën mbrojtëse
olicët e Komunikacionit Rrugor sot rreth orës 18:50 në rrugën “Driton Islami”...
-
U largua papritur gjatë vizitës në Tiranë dhe nuk arriti ta takonte, Begaj telefonatë me Cameron: Mirënjohës në mbështetjen e luf*tës kundër kri*mit dhe korrupsionit
Presidenti Bajram Begaj zhvilloi një telefonatë me Sekretarin e Jashtëm b...
-
Jasharaj: Nagavci s’po pranon të na takojë, po mban inati karshi nesh
Kryetari i SBAShK-ut, Rrahman Jashari thotë se i kanë dërguar letër përsëri m...
-
Diplomojnë 15 kadetë të FSK-së në Universitetin Amerikan të Kosovës
Këtë të mërkure kanë diplomuar 15 kadetë të Forcës së Sigurisë së Kosovës në ...
-
Hoxhaj: Qeveria Kurti është anti-evropiane dhe anti-perëndimore, po e zhyt Kosovën në izolim
Ish-ministri i jashtëm i Kosovës, Enver Hoxhaj, ka thënë se dështimet e njëpa...