KQZ pritet të vendosë për kamera në vendvotime
Autori: Gazeta inFokus 15:29 | 28 March 2024
Në Komisionin Qendror të Zgjedhjeve, është diskutuar lidhur me aktivitetet e sekretariatit dhe raportin e Këshillave të KQZ-së.
Gjatë diskutimeve u tha se të gjitha Qendrat e Votimit në katër komunat veriore, i plotësojnë kriteret ligjore për vendndodhjen e tyre. Derisa një numër i vogël nuk kanë qasje të lehtë për personat me nevoja të veçanta.
Anëtari i KQZ-së, Arianit Elshani ka prezantuar raportin e Këshillit për Operacione Zgjedhore duke thënë se risi është përkrahja teknike për kamera në vendvotime.
“Ju i keni secilin prej këtyre dokumenteve është diçka e re që po vendoset është përkrahja teknike për kamera në vendvotime me qenë se jemi në proces e sipër të huazimit të kamerave që do të regjistrojnë procesin e votimit brenda vendvotimeve. Duhet ta kemi një kontraktor për të na ndihmuar në instalimin e këtyre pajisjeve por edhe që të jetë në shërbim në mënyrë që çfarëdo lloj problemi teknik që mund të kemi në instalimin e këtyre kamerave të mund të zgjidhet shpejtë nga operatorët”, tha Elshani.
Përkundër votimit pro, anëtari i KQZ-së Ilir Gashi shprehet skeptik nëse është në përputhshmëri me ligjet aktuale të Kosovës vendosja e kamerave.
“Këtu i kam dilemat e mija nuk e di nëse është në plotni me kornizën tonë ligjore sepse për qendër të votimit kishte me qenë okej, por për vendvotime i kam dilemat e mija. Pavarësisht se unë votova pro nuk desha të ndahem nga kjo por ndoshta mund të ballafaqohemi në të ardhmen me ndonjë ankimim të mundshëm për të cilin nuk e di cili mund të jetë saktë rezultati i ankimimit”, shtoi Gashi.
E sqarime për këtë dha Elshani, duke treguar se këto specifika janë vetëm për përkrahjen teknike.
“Këto specifika janë vetëm për përkrahjen teknike që do të ipet sepse është një procedurë e veçantë që do të zhvillohet për marrjen në shfrytëzim dhe huazim nga KQZ-ja e Shqipërisë për të cilin do të kemi një memorandum bashkëpunimi me ta dhe do të huazohen këto kamera për të incizuar brenda vendvotimit. Kjo çështje sa i përket zgjedhjeve të ardhshme parlamentare dhe atyre lokale në nivel nacional nevojiten procedura të veçanta. Ky është një lloj testimi i pilotimit që po e bëjmë për përdorimin e këtyre kamerave brenda vendvotimeve”, u shpreh ai.
Ndërkaq, anëtari tjetër Alban Krasniqi, tha se kamerat vendosen në formë dhe pozitë ku ruhet mbarëvajtja e procesit.
“Ligji i ri i ka dhënë obligim KQZ-së që gjatë proceseve të votimit dhe numërimit të rritet transparenca dhe kjo është në suaza të asaj transparence. Natyrisht tu e ditë që edhe në shtetet e tjera që e përdorin këtë formë është e qartë se këtu ruhet fshehtësia e votës. Nëse është shqetësimi këtu kjo është e ruajtur në çdo aspekt. Ato vendosen në çdo formë dhe pozitë ku ruhet mbarëvajtja e procesit dhe për çfarëdo rrethane që mund të na duhet qoftë për arsye të rezultatit apo edhe të aspekteve të tjera që ne e dimë se kemi pas probleme kjo është e zgjidhshme”, tha ai.
Shqyrtimi dhe miratimi i specifikave teknike për shërbimet e instalimit dhe përkrahjes teknike të kamerave në vendvotime është miratuar nga anëtarët e KQZ-së.
Po ashtu u bë edhe njoftimi lidhur me procesin e rekrutimit të personelit të përkohshëm, për procesin e votimit për apo kundër largimit të kryetarëve nga funksioni në Komunat Leposaviq, Zubin Potok, Zveçan dhe Mitrovicë e Veriut. Deri më tani sipas njoftimit për 25 pozita janë bërë 64 aplikime.
Të tjera
-
Haziri: Pas 16 majit, Kosova politikisht nuk do të jetë më e njëjtë
Nënkryetari i LDK-së, Lutfi Haziri, ka thënë se “Kosova politikisht nuk është...
-
LAJMI I FUNDIT: Tërmet në Malishevë
Pasditen e së hënës ka ndodhur një tërmet në zonën e Malishevës. Siç rapor...
-
Nënsekretarja e Shtetit për Diplomacinë Publike në ShBA do të vizitojë Kosovën
Nënsekretarja e Shtetit për Diplomacinë Publike në Departamentin Amerikan e S...
-
Bislimi takohet në Budapest me kryetarin e Komitetit për Punë të Jashtme të Hungarisë, flasin për objektivat e Kosovës për integrim
Vizita zyrtare në Budapest e zëvendëskryeministrit të parë për Integrim Evrop...
-
Qeveria konfirmon se Kurti të enjten është në Mal të Zi për Samitin me liderët rajonalë dhe të BE-së
Qeveria ka konfirmuar se kryeministri i Kosovës, Albin Kurti do të marrë pjes...
-
Kryeministri Kurti: Mbi 1.4 milionë banor residentë janë regjistruar deri më tani, një përqindje e lartë edhe e serbëve
Kryeministri Albin Kurti ka bërë të ditur se deri tani janë regjistruar mbi 1...
-
Vrasja në ‘Bon Vivant’, Andi Pajazitit i vazhdohet paraburgimi edhe për dy muaj
Andi Pajazitit i cili njihet me nofkën “Italiani”, i është vazhduar masa e pa...
-
Raportohet se Patriarkut Porfirije i është ndaluar hyrja në Kosovë në pikëkalimin e Merdares
Siç shkruajnë mediat në Beograd, autoritetet e Kosovës sot në Merdare nuk ia ...
-
Presidentja me thirrje ndaj qytetarëve: Ju lutem regjistrohuni, përcaktohen të dhëna të rëndësishme
Presidentja e Kosovës, Vjosa Osmani, ka lutur qytetarët e Kosovës dhe ata në ...
-
Tejkaluan në vijë të plotë, Policia në Gjilan ua konfiskon patentë shoferët për tre muaj
Policia e Kosovës në Gjilan ka gjobitur dy shoferë të cilët kanë shkelur rreg...
-
Kalon periudha transitore, serbët në Graçanicë ende përdorin dinarin
Ndonëse ka përfunduar periudha transi...
-
Policia e Prishtinës arreston 131 persona të kërkuar nga gjykata – konfiskon katër thikἀ dhe gjashtë ἀrmë zjarri
Nga zyrtarët policor të rajonit Prishtinës , gjatë javës së kaluar në lokacio...