Lajme

Rizvanolli takon të rejat që po e kryejnë praktikën në Ministrinë e Ekonomisë

Autori: Gazeta inFokus 16:41 | 09 February 2024

Ministrja e Ekonomisë, Artane Rizvanolli ka takuar sot 6 vajzat e reja të cilat po e kryejnë praktikën në Ministrinë e Ekonomisë.

Ajo ka theksuar se Adelina, Albana, Elita, Fitorja, Gëzimja dhe Jetesa janë ndër 15 të rinjtë që po kryejnë praktikën në ME në kuadër të skemës “Praktikë në Qeveri” të Qeverisë së Republikës së Kosovës dhe përmes bashkëpunimit me USAID-in.

“Ishte kënaqësi që së bashku me këshilltaret e kabinetit tim dhe Sekretaren Leonita Shabani Mullarama përgjatë një pushimi kafeje të këmbejmë përvoja e të bisedojmë për kontributin që ato po japin në departamente të ndryshme të ministrisë e planet e tyre të karrierës”, ka pohuar Rizvanolli.

-Advertisement-

“Të rinjtë që po e kryejnë praktikën në Ministrinë e Ekonomisë kanë profesione të ndryshme, si; Inxhinieri Mekanike dhe Kompjuterike, Banka Financa dhe Kontabilitet, Marketing dhe Menaxhim Biznesi, Inxhinieri e Mjedisit, Administrim Biznesi, Menaxhim i Burimeve Njerëzore, Matematikë Financiare, Arkitekturë, Menaxhment dhe Informatikë, Kimi Analitike dhe Mjedisore, Biznes dhe Financa dhe Menaxhim i Pasurive të Paluajtshme si dhe Sistemet e Energjisë të Ripërtëritshme dhe Infrastrukturës”, thuhet në njoftimin e Ministrisë së Ekonomnisë.

Ministrja e Ekonomisë, Artane Rizvanolli në takim me praktikantet

Vizitoni knanlin tonë në Youtube:

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme