Në vitin 2018 në  kohën kur Pal Lekaj, në krye të ministrisë së Infrastrukturës mburrej për projektin madhor, ndërtimi i autostradës Prishtinë – Shkup, Gazeta Infokus kishte publikuar një raport konfidencial ku në detaje ishin të përfshira pazaret e ish ministrit në ndërtimin e kësaj autostrade.

Për të cilat, Pal Lekaj u dënua sot me 3 vite e 8 muaj burg, shkruan Gazeta Infokus.

Këtë raport të cilin në atë kohë qeveria e kishte konsideruar si konfidencial, përshkruheshin në detaje punët e paguara e të pakryera, shkeljet, afatet kohore e përftimi monetar në emër të tyre që në total i kushtuan buxhetit të shtetit hiq më pak se 53 milionë euro.

-Advertisement-

Detaje të pagesave të miratuara edhe nga Qeveria e Kosovës, dëshmojnë se si ishte paguar për një makineri gurëthyese për pesë muaj rresht nga 2,573 euro në ditë pa punuar fare, e që në total fatura ka shkuar në afro 1 milionë euro për dy të tilla.

LEXO EDHE: Ekskluzive: Zbulohet raporti konfidencial i “plaçkës” 53 milionë euro

Faqe të tëra të raportit të kishte siguruar nga Gazeta Fokus, përmbnin detaje tronditëse të korrespodencave mes zyrtarëve të Qeverisë së Kosovës e drejtuesve të kompanisë për “pazarin” e autostradës.

Në bazë të këtij raporti konfidencial dyshohej për fryrje të faturave në shifra qindra mijëra euro në mallra dhe shërbime, ushqime të personelit, sigurim të objekteve dhe gjëra të tjera. Disa prej të cilave shpenzime koti.

Të dhënat e detajuara dëshmojnë se si vetëm për një makinë asfalti është kalkuluar shpenzimi ditor 180 euro e që totali qe i është faturuar buxhetit të shtetit në emër të shpenzimit vetëm të kësaj makine ka shkuar në hiq më pak se 40 mijë euro.

Pas 6 vitesh në proces gjyqësor, Pal Lekaj së bashku me të tjerët është dënuar nga Gjykata Themelore në Prishtinë.

Pal Lekaj është dënuar me 3 vite e 8 muaj burg dhe tre vite largim nga çdo pozitë shtetërore, shkruan Gazeta Infokus.

Nebih Shatri u dënua me 1 vit e 8 muaj burgim, ndaj tij u shpall edhe dënim plotësues, ndalim i ushtrimit të funksionit publik në administratë publike ose në shërbimin publik në kohëzgjatje prej 2 vitesh.

Kurse, Besim Tahiri u dënua me 1 vit e 8 muaj burgim. Ndaj tij, po ashtu u shpall edhe dënimi plotësues ndalimi i ushtrimit të funksionit publik në administratë publike ose në shërbimin publik në kohëzgjatje prej 2 vitesh.

Ndërsa, Eset Berisha u dënua me 3 vite e 3 muaj burgim. Po ashtu, ndaj Berishës u shpall edhe dënimi plotësues ndalimi i ushtrimit të funksionit publik në administratë publike ose në shërbimin publik në kohëzgjatje prej 3 vitesh./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-