Lajme

Peticioni për shkarkimin e kryetarëve në veri, Lulzim Hetemi: S’do të konkurroj më!

Autori: Gazeta inFokus 12:40 | 17 January 2024

Kryetari i Leposaviqit, Lulzim Hetemi është i hapur të lëshojë rrugë në rast se përmbushet peticioni i nisur sot në Mitrovicë të Veriut dhe Leposaviq.

Ai ka thënë se nuk do të konkurrojë në zgjedhjet e ardhshme lokale, kurdo që mbahen ato.

“Do të punojmë në bazë të ligjeve, s’e kemi problem atë, s’kemi ka shkojmë. Nëse mblidhet nënshkrimi i peticionit s’e kemi problem hiq, largohemi normal. Nuk besojë se do të konkurrojë më”, ka thënë Hetemi për Indeksonline

-Advertisement-

Ndryshe, sot në Mitrovicë të Veriut dhe Leposaviq qytetarët e nacionalitetit serb kanë nisur nënshkrimin e peticionin për të shkarkuar kryetarët e komunave nga radhët e komunitetit shqiptar.

Mbledhja e nënshkrimeve ka nisur në orën 09:00.

Në Mitrovicë të Veriut, peticioni po mbahet pasi asamblistët komunalë miratuan kërkesën e iniciatorit që mbledhja e nënshkrimeve të bëhet në sallën e sportit në këtë komunë në veri të Kosovës, të banuar me shumicë serbe.

Ndërsa në Leposaviq, sipas njërit nga iniciatorët e peticionit, Vesellin Radoviq, është marrë leje që të shfrytëzohet hapësira para komunës për mbledhjen e nënshkrimeve.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme