Lajme

Takimi i ministrave të Jashtëm të NATO-s, Blinken: Në agjendë edhe Ballkani Perëndimor

Autori: Gazeta inFokus 14:35 | 28 November 2023
Sekretari amerikan i Shtetit, Anthony Blinken ka thënë sot se në takimin e ministrave të Punëve të Jashtme të NATO-s do të diskutojnë për situatën në Ballkanin Perëndimor, Ukrainë, Gaza dhe Lindjen e Mesme.
Në një deklaratë për media, Blinken së bashku me Sekretarin e Përgjithshëm të NATO-s, Jens Stoltenberg, para fillimit të takimit të parë të ministrave të punëve të jashtme të Aleancës, ai tha se në agjendë do të përfshihen shumë çështje me të cilat aleanca është përballur vitet e fundit.“Është gjithmonë shumë mirë të kthehesh në Belgjikë, në Bruksel, këtu në NATO. Është bërë pothuajse si një shtëpi e dytë gjatë tre viteve të fundit. Por unë mendoj se është dëshmi e faktit se ajo që po bëjmë me Aleancën e NATO-s është më e rëndësishme se kurrë”, ka thënë Blinken.

“Ne do të riafirmojmë fuqimisht mbështetjen tonë për Ukrainën, ndërsa ajo vazhdon të përballet me luftën e agresionit të Rusisë. Ne do të shikojmë samitin e vitit të ardhshëm në Uashington për të festuar 75-vjetorin e NATO-s, por jo vetëm të festojmë atë përvjetor të vazhdojë, për të çuar përpara Aleancën, duke përfshirë angazhimet që anëtarët e saj po bëjnë për mbrojtjen tonë kolektive. Ne kemi shumë punë që do të bëjmë, siç thatë edhe ju, në Ballkanin Perëndimor, me partnerët tanë për NATO-n nga e gjithë bota, duke përfshirë Azi-Paqësorin, dhe sigurisht që do të flasim për krizën në Gaza dhe më gjerë në Lindjen e Mesme”.

-Advertisement-

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme