Deputetja e LDK-së, Doarsa Kica-Xhelili për buxhetin vjetor tha se nuk është vetëm një shfaqje e numrave, por edhe e aspiratave dhe vlerave të një qeverie.

“Duhet ta kemi parasysh se buxheti nuk është vetëm një përmbledhje numrash, por në fakt është një shpërfaqje e aspiratave dhe e vlerave që e shpërfaq një qeveri. Por kjo shpërfaqja e aspiratave dhe vlerave duhet ta ketë një model mbi të cilin e bazon edhe mundësinë e arritshmërisë të themi të zbatimit të atij buxheti, dhe kur dëgjojmë për dhjetëra ndërtime të çerdheve kur është dëshmuar tanimë një model i pa arritshmërisë, në anën tjetër dëgjojmë për reforma në drejtësi pa buxhetin, i bie që po synohet të ndërtohet urë ku nuk ka lum”, tha Kica-Xhelili në Kuvend.

Ajo po ashtu, i’u drejtua ministrit të financave, Hekuran Muratit, se kur flet për Prishtinën, ai përhap dezinformata, dhe se ndarjen e buxhetit për Prishitinën e kanë obligim sipas ligjit për kryeqytetet.

“Fatkeqësisht më herët ministri Murati foli për Prishitnën dhe nuk e ka për herë të parë që kur flet për Prishtinën dezinformon, dhe nëse nuk gaboj ai vet jeton në Prishtinë, nuk e di në qoftë se shkon në Ferizaj a po jo, por me sa unë kam informacion të shumtën e kohës qëndron në Prishtinë, dhe duke qenë qyetatarë i Prishtinës, nuk e kam të qartë pse të ka mbetur aq halë në sy ministër në kuptimin negativ, sepse në fund të fundit ti jeton në këtë qytet, çdo mëngjes del në këtë qytet, dhe buxheti të cilin ju thatë më herët po jep në vazhdimësi qeveria për Prishtinën, më duhet t’ua rikujtojë që është buxhet i cili bazë ligjore, pra e ke ligjin për kryeqytetin. Pra nuk është zgjidhje e jotja, në dëshiron ose jo t’i japësh ato mjete Prishtinës ke obligim ligjor në bazë të ligjit për kryeqytetin që t’ia japësh”, u shpreh deputetja.

Më tutje ajo akuzoi ministrin Murati se jo vetëm që nuk kanë dhënë para për kryeqytetin, por edhe ka bllokuar projekte vitale për Prishtinën.

“Pyetja që duhet të shtrohet është, sa buxhet shtesë mbi atë që ta obligon ligji për kryeqytetin i’a ke dhënë ti në ndonjërën nga këto vite me vullnetin tënd kryeqytetit të Republikës së Kosovës, dhe të mos harrojmë ta cekim që përkundrazi jo vetëm që nuk i’a keni dhënë asnjë cent, por ju në fakt keni bllokuar projekte vitale për kryeqytetin, dhe kur flisni për fotografi, dhe që thoni dalim të parët të bëjmë fotografi, mos harroni që rrjeti i Termokosit për 40 mijë qytetarë të Prishtinës është zgjeruar pa ndihëm e juaj vullnetare, pra mos u referoni në ligjin për kryeqytetin sepse e keni obligim ligjor, ju, para jush, pas jush nuk do të kenë tagër të vendosin lidhur me atë buxhet”, tha Kica-Xhelili.

Përndryshe ajo pyeti ministrin Murati se pse po bojkotohet komisioni hetimor për rezervat shtetërore që shtatë herë radhazi, pyetje që nuk pati përgjigje.

“Është një pyetje që nuk i’u ke përgjigjur tërë ditën, as ti e as ministrja tjetër që fatkeqësisht për momentin nuk është në sallë, pse e keni bojkotuar për shtatë herë me radhë komisionin hetimor për rezervat shtetërore? Dhe në qoftë se nuk jemi të qartë, pasi nuk u përgjigjët as më herët po e përsërisë pyetjen, pse po e bojkotoni për shtatë herë me radhë komisioni për rezervat shtetërore? Pesë deputetë të LVV dhe një deputet nga grupi multietnik nga gjashtë anëtarë që bojkotojnë numrat e mjaftueshëm për kuorum nuk vijnë që shtatë herë pa asnjë arsyetim”, përfundoi deputetja e LDK-së.

Marsi sjell Magji në ETC

Sponsoruar