Lajme

Rasti në Dragodan, i akuzuari thotë se nuk e ndjen veten fajtor

Autori: Gazeta inFokus 14:59 | 26 Tetor 2023

I akuzuari Avni Mustafa në seancën e shqyrtimit fillestar pas leximit të aktakuzës ka deklaruar se nuk e ndjen veten fajtor për vrasjen e R.T në Dragodan ndërsa ka pranuar fajësinë për veprën penale “mbajtje në kontroll, pronësi të armës”.

Në këtë seancë edhe i akuzuari Mustafë Mustafa është deklaruar i pafajshëm për veprat penale “pjesëmarrje në rrahje dhe posedim të paautorizuar të armëve”.

Gjithashtu i akuzuari Leotrim Mustafa deklaroi se nuk e ndjen veten fajtor për veprën penale “manipulim me prova”.

-Advertisement-

Për pranimin e fajësisë nga ana e të akuzuarit Avni Mustafa për veprën penale “posedim i paautorizuar i armëve” u pajtua prokurori i rastit Ilaz Beqiri e më pas u aprovua edhe nga gjykata, ndërsa vendimi për sanksion të njëjtit do t’i jipet pas përfundimit të shqyrtimit gjyqësor.

Pas deklarimeve të tilla, gjykatësi i rastit Ngadhnjim Arrni i njoftoi palët më të drejtën e tyre që në afat prej 30 ditësh t’i paraqesin kundërshtimet për prova dhe hedhje të aktakuzës.

Sipas aktakuzës së ngritur me 11 tetor 2023 nga Prokuroria Themelore në Prishtinë i akuzuari Avni Mustafa me datë 19 mars 2023 rreth orës 13.20 në afërsi të hotelit “Adria” në Prishtine për shkak të një konflikti pronësor që dyshohet të jetë fajde e ka privuar nga jeta të ndjerin R.T duke e goditur me revole disa herë në regjionin e gjoksit.

I akuzuari Mustafë Mustafa në kohën dhe vendin e njëjtë akuzohet për veprën “pjesë marrje në rrahje” dhe “ mbajtje në pronësi, kontroll ose posedim të paautorizuar të armëve”.

Ndërkaq i akuzuari Leotrim Mustafa akuzohet për veprën penale “manipulim me prova” pasi që në aktakuzë thuhet se ka pranuar nga Mustafë Mustafa çantën e tani të pandehurit Avni Mustafa në të cilën ishte revolja e tipit “Zastaava” me të cilën ishte kryer vepra penale dhe të njëjtën e kishe fshehur në zyrën e tij./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy