Djali Kosta K., i cili kreu një masakër në shkollën fillore të Beogradit ‘Vladislav Ribnikar’ në maj, duke vrarë nëntë bashkëmoshatarë dhe një roje të shkollës, do të ketë statusin e dëshmitarit në procedurën kundër babait të tij, njofton N1

Dje u raportua se ndaj babait të djalit, Vladimir Keçmanoviq është ngritur padi.

Keçmanoviq akuzohej për veprën penale të veprës së rëndë kundër sigurisë së përgjithshme – gjegjësisht, siç raporton Blic, ekziston dyshimi se ai e ka mësuar djalin e tij se si të merret me armë dhe të gjuajë objektivat në formë të siluetave njerëzore.

-Advertisement-

Shefi i Departamentit Penal të Prokurorisë së Lartë Publike në Beograd, Nikola Uskokoviq, tha për RTS se aktakuza ka 267 faqe.

Uskokoviq thekson se është marrë një pasqyrë e qartë e asaj që ka ndodhur më 3 maj në shkollën “Vladislav Ribnikar”, por edhe asaj që ka ndodhur në periudhën paraprake, pra një vit para asaj ngjarjeje.

“Sipas aktakuzës që është ngritur, aq gjatë ka zgjatur ai lloj trajnimi i të akuzuarit Vladimir Keçmanoviq, ndaj djalit të tij të miturit K. K., në lidhje me përdorimin e armëve të zjarrit dhe të armëve ajrore” – thotë Uskokoviq.

Ai tregon se këtë armë zjarri, siç ka bërë të ditur kryeprokurori publik Nenad Stefanoviq, e ka përdorur i mituri Kosta K. edhe në shkollë.

“Aktakuza është shumë e detajuar dhe gjithëpërfshirëse, siç e dëgjuam sot. Është shkruar në 267 faqe, vetë dispozitivi i aktakuzës ka 14 faqe. Dispozita është përshkrim i asaj për të cilën akuzohen të pandehurit, gjegjësisht përshkrim i veprës nga i cili dalin karakteristikat juridike, konkretisht vepra penale me të cilën ngarkohen të pandehurit”, sqaroi Uskokoviq, transmeton N1.

Aktakuza është ngritur edhe ndaj nënës së djalit dhe për të kërkohet dy vjet e gjysmë burg.

Uskokoviq thotë se nuk do të fliste shumë për provat konkrete për shkak të ndjeshmërisë së fazës në të cilën ndodhet kjo procedurë penale.

“Do të sqaroja vetëm atë që ka theksuar sot prokurori, e cila ka të bëjë me aktakuzën e menjëhershme të nënës së të miturës K.K., Miljana Keçmanoviq, dhe punëtores, instruktorit dhe personit përgjegjës në poligonin e qitjes. Prandaj, ata akuzohen drejtpërdrejt, që në fakt do të thotë se të dhënat dhe faktet e siguruara nga Prokuroria në hetimin që ka udhëhequr, ofrojnë bazë të mjaftueshme për ngritjen e menjëhershme të aktakuzës, d.m.th. Prokuroria mendon se tashmë ekziston dyshimi i justifikuar se ata kanë kryer vepra penale për të cilat u fajësohen, prandaj kundër tyre është ngritur aktakuzë pa hetim” – thotë Uskokoviq.

Djali do të ketë statusin e dëshmitarit në procedurë, ndërsa për opinionin publik tashmë dihet se nuk është person me përgjegjësi penale.

“Fatkeqësisht, të gjithëve na prek fakti që ai nuk mund të ketë rolin procedural që duhet të ketë sipas asaj që ka bërë. Ajo që dihet mirë në opinion është se ai është një person kriminalisht i papërgjegjshëm. Në këtë procedurë ai ka pasur statusin e dëshmitarit gjatë zhvillimit të hetimeve dhe këtë status do ta ketë në vazhdimin e procedurës së mëtutjeshme, në shqyrtimin gjyqësor. Andaj, në aktakuzën që është dorëzuar është propozuar të merret në pyetje si dëshmitar në shqyrtimin kryesor”

“E dini, nuk është e lehtë të punosh me këtë temë kur di se një fëmijë 13-vjeçar ka hyrë në shkollën fillore që ndjek, ndërsa mësimi i parë po vazhdonte, me dy armë dhe 92 plumba dhe se në atë korridorin e shkollës ka qëlluar me 21 plumba me të cilët u ka hequr jetën tre nxënësve dhe rojës së shkollës. Më pas ka shkuar në ambientet e zyrës së historisë ku ka hyrë dhe për 55 sekonda ka gjuajtur 45 plumba në drejtim të studentëve dhe profesorit të historisë i cili në atë moment ka qenë aty duke mbajtur një orë”, shton Uskokoviq.

Pas një pauze, Lyra Xhoci në një intervistë ekskluzive për Gjesi, rrëfen detaje interesante nga jeta dhe angazhimet në Kanada
Read more

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-