Pak më parë në media u raportua se në mesin e të plagosurve në Banjskë të Zveçanit është edhe nënkryetari i Listës Serbe, Millan Radojiçiq.

Ndërkaq, mediumi boshnjak “Istraga”, ka raportuar se ka tentuar të kontaktojë me Radojiçiqin, por fillimisht një person i panjohur i cili është përgjigjur në telefonin e tij ka thënë se “nuk është Radojiçiq”.

Mirëpo më pas, i njëjti person ka pohuar se Radojiçiq është mirë.

Ky medium, në platformën “X” ka publikuar bisedën që është bërë në “Viber”, e që pretendohet se është bërë me numrin që është i Radojiçiqit.

Në bisedën e publikuar, kur pyetet nëse Radojiçiq është gjallë, në përgjigjen e kthyer nga numri që po pretendohet se është i tij ka thënë “mos u shqetëso”

Mediumi boshnjak, krahas bisedës së publikuar ka dhënë edhe një shpjegim lidhur me komunikimin me nënkryetarin e Listës Serbe.

“Milan Radojiçiq, njëri nga liderët e Listës Serbe, është plagosur gjatë një sulmi terrorist në Kosovë. Sot në disa raste kemi tentuar të kontaktojmë me Radojiçiqin. Fillimisht, një person i panjohur i cili iu përgjigj numrit të tij të telefonit tha se “nuk është Radojiçiq”, ndërsa më pas, gjatë korrespondencës, i njëjti pretendoi se Radojiçiq ishte mirë dhe se po i jepej ryshfet. Sipas informacioneve të mediumit Istraga,  Radojiçiq ndodhet në Serbi dhe po trajtohet. Dokumentet e tij u gjetën në makinat e sekuestruara”, thuhet në shkrimin e mediumit boshnjak në platformën X.

Milan Radojičić, jedan od čelnika Srpske liste, ranjen je tokom terorističkog napada na Kosovu, saznaje @IstragaB Danas smo, u nekoliko navrata, pokušali stupiti u kontakt sa Radojičićem. Prvo je nepoznata osoba koja se javila na njegov broj telefona rekla da “nije Radojičić”,… pic.twitter.com/gqR8Nu00P3

— Istraga.ba (@IstragaB) September 25, 2023

Kujtojmë se ministri i Punëve të Brendshme i Kosovës, Xhelal Sveçla, sot në konferencë për media tha se në bazë të dokumenteve që kanë gjetur Radoiçiq, është i lidhur me sulmin.

“Në këto materiale, po ashtu kemi gjetur edhe dokumente të kriminelit që, po ashtu, është në listën e zezë të SHBA-së, Millan Radoiçiq, dokumente këto që dëshmojnë lidhjen apo pjesëmarrjen e tij të drejtpërdrejtë në këtë aksion. Kjo është lista e armëve apo lejeve të institucioneve të Serbisë dhënë Millan Radoiçiqit ku është edhe lista me armët që ai posedon, me numra, me të gjitha që janë gjetur në veturën e parë në radhë atje dhe patjetër që dokumenti origjinal është në dorën e forenzikës”, tha Sveçla.

Studio MASTER në UNI, Merr Diplomë dhe lejeqëndrim t’përhershëm në GJERMANI

Sponsoruar