Lajme

Përplasi për vdekje këmbësorin dhe u largua nga vendngjarja, arrestohet shoferi 34-vjeçar në Durrës

Autori: Gazeta inFokus 10:07 | 31 August 2023

Një 34-vjeçari i cili ndërsa drejtonte makinën ka aksidentuar për vdekje në 25 gusht një këmbësor dhe është larguar nga vendngjarja, është arrestuar.

Policia e Durrësit njofton se ky person pasi goditi për vdekje këmbësorin, i cili banonte në Sukth, u largua nga vendi ku ndodhi aksidenti dhe e fshehu makinën e tij në Shijak.

“Specialistët e Sektorit të Policisë Rrugore në DVP Durrës, në vijim të veprimeve hetimore për zbardhjen e rrethanave të aksidentit me pasojë vdekjen, të ndodhur më datë 25.08.2023, kanë identifikuar, kapur dhe arrestuar autorin e dyshuar, shtetasin F. K., 34 vjeç, banues në Shijak” , thuhet në njoftimin e policisë.

-Advertisement-

Nga veprimet hetimore ka rezultuar se ky shtetas, duke drejtuar automjetin, ka aksidentuar me pasojë vdekjen shtetasin J. M., banues në Sukth, këmbësor, është larguar nga vendi i aksidentit dhe e ka fshehur automjetin në Shijak.” /Telegrafi/

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme