Lajme

Prizrenasi në paraburgim për fajde, përfitoi mbi 100 mijë euro me kamata

Autori: Gazeta inFokus 17:15 | 23 August 2023

Gjykata Themelore në Prizren ka caktuar masën e paraburgimit prej një muaji ndaj të pandehurit, B.H., nën dyshimet për fajde.

Sipas aktakuzës, i njëjti i kishte dhënë të dëmtuarit F.S., dhe prindit të tij 6,000 euro borxh, duke ua caktuar 600 euro kamatë për çdo muaj, nga qershori i vitit 2016 e deri së fundmi në gusht të vitit 2023, transmeton gazeta online Reporteri.net.

Në emër të shumës prej 6 mijë euro e marrë nga babai i tij, i dëmtuari F.S., ka vazhduar të paguajë nga 600 euro kamatë, kështu duke i dhënë të pandehurit 49,200 euro në total.

-Advertisement-

Por, nuk mbaron këtu.

“I gjendur në gjendje të rëndë ekonomike dhe duke mos arritur t’i paguaj shumat e kamatave, i dëmtuari F. më 18 shkurt 2018 merr nga i pandehuri B shumën e të hollave në vlerë prej 3,000 euro ndërsa në muajin mars nga i njëjti merr shumën e të hollave prej 2,000 euro, për të cilat paralajmërohet nga i pandehuri se për çdo vonesë duhet të paguaj nga 500 euro kamata mujore, i dëmtuari nga muaji mars 2018 deri në muajin janar 2023, në emër të shumës së marrë prej 5,000 euro vazhdon të paguaj nga 500 euro kamata mujore duke i dhënë të pandehurit shumën prej 29,000 (njëzetë e nëntë mijë) euro, në total i dëmtuari paguan në emër të kamatave për të pandehurin shumën prej 78,200 (shtatëdhjetë e tetë mijë e dyqind) euro, kur i dëmtuari nuk arrin t’ i paguaj kamatat, i pandehuri B.H., e paralajmëron se përveç borxhit bazë të marrë në fillim, duhet të paguaj nga 200 (dyqind) euro kamata ditore, me ç’ rast nga i dëmtuari më datë 22.08.2023, i pandehuri merr 12,800 (dymbëdhjetë mijë e dyqind) euro dhe arrestohet në flagrancë”, bën të ditur Prokuroria përmes një komunikate.

Gjykata ka ardhur në përfundim se i pandehuri, B.H., e ka shfrytëzuar gjendjen e rëndë ekonomike të palës së dëmtuar, F.S., dhe të njëjtin e kanë vendosur në paraburgim në mënyrë që të mos i pengojë hetimet.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme