Lajme

Çollaku: BE-ja s’heq dorë nga sanksionet pa u shpallur zgjedhjet në veri

Autori: Gazeta inFokus 23:49 | 08 Gusht 2023

Ish-ministri i Integrimeve Evropiane, Bekim Çollaku, ka thënë se Bashkimi Evropian nuk do t’i pezullojë sanksionet ndaj Kosovës, pa u përmbushur tri kushtet e saj nga ana e Qeverisë së Kosovës për qetësim të situatës në veri të Kosovës.

Në Edicionin Special në Klan Kosova ai ka thënë se ende nuk është përmbushur kushti i tretë i BE-së që ka të bëjë me shpalljen e zgjedhjeve të parakohshme në katër komunat me shumicë serbe në veri të Kosovës.

“Nuk besoj që Kosova do të mund t’i vendosë kushte BE-së apo ShBA-së. Mendoj që është krejtësisht e pakuptimtë. Pikësëpari, pse kemi ardhur në një gjendje të tillë, pse është dashur të ndodhë gjithë ajo traumë, gjithë ato trazira, përleshje dhe gjithë ajo dhunë”, ka thënë Çollaku.

-Advertisement-

“Pastaj, një cikël zgjedhor e përsëri të vendosen sanksione në mënyrë që përsëri të riciklojmë në mënyrë artificiale mbajtjen e zgjedhjeve të parakohshme në komunat veriore”, ka thënë ai tutje.

“Nuk e kuptoj çfarë strategjie e pakuptimtë e dëmshme është aplikuar në këtë rast nga Qeveria e Kosovës dhe nuk mendoj që BE-ja do të ketë vullnet minimal që të heq dorë apo të pezullojë sanksionet që janë në fuqi për aq kohë sa Kosova dhe Qeveria e Kosovës nuk i përmbush kushtet e vendosura nga BE-ja dhe ato janë krejtësisht të qarta”.

Duke iu referuar tri pikave të BE-së, ai e ka përmendur qetësimin e situatës në veri të vendit, tërheqjen e Policisë së Kosovës nga atje si dhe shpalljen e zgjedhjeve të parakohshme, gjë që sipas tij, ende nuk ka ndodhur.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy