Lajme

“Mos i sulmoni gazetarët për bindjen e lirë”, amaneti i Ganimet Klaiqit pak orë para se të vdiste

Autori: Gazeta inFokus 11:37 | 31 July 2023

Gazetarët e Kosovës, si asnjëherë më parë, janë bërë cak i sulmeve, fyerjeve, frikësimeve e linçimeve të vazhdueshme nga eksponentë të Lëvizjes Vetëvendosje, partisë që sot udhëheq me të gjitha institucionet e Kosovës, shkruan Mediafikus.info.

Rasti i fundit i linçimit të gazetarëve është shpërfaqur pas pezullimit të certifikatës së biznesit të televizionit Klan Kosova nga Ministria e Industrisë, Ndërmarrësisë dhe Tregtisë.

Në këtë kohë kur gazetarët janë bërë targeti më i lehtë i sulmeve nga eksponentë të pushtetit, po e risjellim porosinë pak orë para se të ndërronte jete të gazetarit shumëvjeçar, Ganimet Klaiqi.

-Advertisement-

“Mos i sulmoni gazetarët për bindjen e lirë”, ishte porosia e fundit publike e gazetarit Ganimet Klaiqi pak orë para se të jepte frymën e fundit më 16 maj 2017.

Në mbështetje ndaj Klan Kosovës, sot është paralajmëruar një protestë nga Asociacioni i Gazetarëve të Kosovës me moton “Demokracia vdes në errësirë”, e cila fillon në ora 12:00, në Sheshin Zahir Pajaziti, në Prishtinë.