Lajme

Ilir Peci tregon nëse KFOR i ka ndaluar vizitat e ministrave të qeverisë së Kosovës në veri

Autori: Gazeta inFokus 11:37 | 19 Qershor 2023

Kryetari i Komunës së Zveçanit nga Partia Demokratike e Kosovës, Ilir Peci, ka thënë se nuk ka informacione nëse KFOR-i ka ndaluar vizitat e ministrave të qeverisë së Kosovës dhe zyrtarëve të tjerë në pjesën veriore.

Në një përgjigje për Gazetën Infokus ai ka thënë se edhe ashtu nuk është vizituar nga askush dhe nuk ka asnjë informacion.

“Nuk kam informacione ndonjë informacion për këtë deri tash edhe unë jam në veri por nuk ka informacion për këtë, të paktën tek unë nuk ka qenë askush deri më tash dhe nuk kam kurrfarë informacioni”, ka thënë shkurt, Peci për Infokus.

-Advertisement-

Kryetari Peci, ka thënë se ai ende duke kryer funksionin e kryetarit të Komunës nga zyra për komunitete në fshatin Lipë që po ashtu është pjesë e objektit të Komunës së Zvecanit.

“Momentalisht ende jam duke punuar prej zyrës së komuniteteve në fshatin Lipë. D.m.th. ky objekt është pjesë e komunës”, ka thënë i pari i Zveçanit.

Derisa po ashtu ministri i Administrimit dhe Pushtetit Lokal, Elbert Krasniqi për Gazetën Infokus ka thënë se nuk kanë asnjë informatë zyrtare në lidhje me këtë vendim.

Mirëpo sot gjatë ditës u raportua se njësitë speciale të Policisë së Kosovës po lejohet të hyjnë në veri mirëpo jo edhe ministrat e qeverisë së Kosovës apo zyrtarë të tjerë të shtetit./Gazeta Infokus/

“KFOR-i ndalon vizitat e ministrave të Kosovës në komunat në veri”, flet Elbert Krasniqi

 

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy