Lajme

Tjetër sulm nga gazetarëve në veri, cak këtë herë vetura e TV1

Autori: Gazeta inFokus 15:30 | 29 May 2023

Një tjetër sulm ndaj gazetarëve ka ndodhur ditën e sotme gjatë protestës në veri të Kosovës.

Kësaj here, në Komunën e Zubin Potokut protestuesit serb kanë sulmuar veturën e gazetarëve të TV1, të cilës ia kanë thyer edhe xhamin.

-Advertisement-

Ndërsa, sot veri të Kosovës janë sulmuar edhe gazetarë të tjerë të cilët kanë raportuar drejtpërdrejt nga vendet ku po mbahen protestat.

Një veturë e mediumit Top Channel është vandalizuar nga protestuesit në Zveçan, në të cilën po udhëtonin katër gazetarë të medieve të ndryshme, përfshirë korrespondenti i Euronews Albania, Kosovë Gjoci, i cili është vandalizuar me sloganin nacionalist, si dhe me qëllimin që të mos mund ta ngasin më tej.

Po ashtu, janë dëmtuar edhe veturat e gazetarëve të KALLXO.com dhe RTV Dukagjini, si dhe ka pasur tentim sulmi edhe ndaj ekipit të Periskopit në Zveçan, ku dy persona të maskuar kanë tentuar të sulmojnë ekipin e Periskopit, ku gazetarit të këtij mediumi kanë arritur t’ia shqyejnë edhe maicen.

Subscribe në YouTube: GAZETA INFOKUSI