Lajme

Von Cramon i përgjigjet deputetit të LVV-së që i tha të shkojë të hajë qepaba në Prizren

Autori: Gazeta inFokus 11:55 | 29 May 2023

Euro deputetja, Viola Von Cramon, në një konferencë për media ka sqaruar vizitën e saj të djeshme në veri të vendit ku një deklaratë e saj drejtuar policisë së Kosovës “Çfarë dreqin bëni këtu”, nxiti reagime të shumta.

Njëri ndër reagimet ishte edhe ai i deputetit të LVV-së, Artan Abrashi i cili duke ironizuar iu drejtua përmes një postimi euro deputetes duke thënë se “për vizitorët e huaj kemi qepaba të mirë në Prizren.

Ajo ka thënë se nëse kjo është një pyetje serioze atëherë ajo ka qenë disa herë në Prizren dhe ka ngrënë qepaba edhe në qytetet të tjera dhe se i pëlqen shumë qyteti i Prizrenit dhe se do ta vizitojë prapë.

-Advertisement-

Von Cramon është munduar që të sqarojë më tutje pse iu drejtua në këtë formë policisë së Kosovës.

Nëse kjo është një pyetje serioze atëherë mund të them se unë ka ngrënë shumë shpesh qepaba jo vetëm në Prizren por edhe në qytete tjera. Kam qenë shpesh atje dhe do të shkoj prapë.

Ndërsa sa i përket pyetjes për policinë, nëse hyn në qytetet dhe je para komunave në veri dhe sheh një numër të lartë të policisë , me armë të gjata, me autoblinda që vetëm po qëndrojnë aty është normale të bësh pyetjen “Cfarë dreqin po bëni këtu”… Dhe mund të shohësh që ata vetëm po qëndrojnë. Dhe iu thashë “çfarë dreqin po bëni këtu” sepse e dija që ky nuk është vendim i tyre personal ata nuk mund të vendosin dhe vetëm po kryejnë detyrën e tyre.”, ka thënë ndër të tjera Cramon./Gazeta Infokus/

Von Cramon tregon nëse do t’i kërkojë falje policisë për deklaratën “Çfarë dreqin po bëni këtu”

 

 

 

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme