Lajme

Kaçanik, arrestohen dy të dyshuar pasi u përleshën me dy persona tjerë

Autori: Gazeta inFokus 10:35 | 18 May 2023

Janë arrestuar dy persona për lëndim trupor dhe armëmbajtje pa leje në Kaçanik.

Policia ka njoftuar se dy persona, 57 vjeç dhe 29 vjeç, pas një mosmarrëveshje janë përleshur me dy persona tjerë.

Të dyshuarit janë dërguar në mbajtje.

-Advertisement-

Përshkrimi i fotografisë nuk është i disponueshëm.

Njoftimi i plotë:

Arrestohen dy persona për lëndim trupor dhe armëmbajtje pa leje në Kaçanik

Policia Rajonale e Ferizajt dje rreth orës 18:00 ka pranuar një informacion se në fshatin Vatë të Kaçanik është një rast i lëndimit trupor.

Policët e rendit e më pas hetuesit e stacionit në Kaçanik i kanë marrë veprimet e nevojshme dhe menjëherë kanë dalë në vendin e ngjarjes dhe kanë arrestuar personat M.L ( M/K) i moshës 57 vjeçar dhe J.L ( M/K) i moshës 29 vjeçar , të cilët shkak i një mosmarrëveshje ishin përleshur me dy persona tjerë G.L (M/K) i moshës 63 vjeçar dhe B.L (M/K) i moshës 29 vjeçar , duke ju shkaktuar lëndime trupore të cilët kanë pranuar tretman mjekësor në Qendrën Emergjente në Kaçanik, lëndime kishte pësuar edhe i dyshuari M.L.

Të dyshuarit janë shoqëruar në stacionin e policisë në Kaçanik dhe pasi janë intervistuar nga policët hetues, tek i dyshuari M.L është gjetur e më pas është konfiskuar një armë zjarri ( pushkë e gjuetisë) me 6 fishekë.

Me vendim të prokurorit kujdestar nga Prokuroria Themelore në Ferizaj dy të dyshuarit janë ndaluar për 48 orë për procedurë të mëtejme hetimore, ndërsa rasti është cilësuar ‘Lëndim i lehtë trupor dhe armëmbajtje pa leje’.

Subscribe në YouTube: GAZETA INFOKUSI