Lajme

Osmanit i ndahet “Çelësi i Qytetit” gjatë vizitës në Tetovë

Autori: Gazeta inFokus 19:08 | 27 April 2023

Presidentja e Kosovës, Vjosa Osmani, është nderuar me “Çelësin e Qytetit”, gjatë vizitës që i ka bërë Komunës së Tetovës.

“E nderuar që vizitën në Tetovë ta filloj me Çelësin e Qytetit nga kryetari i Komunës, Bilall Kasami, një simbol i përkushtimit tonë të çdoditshëm për të qëndruar pranë bashkëkombësve tanë”, ka thënë Osmani, transmeton KlanKosova.tv.

Osmani ka vlerësuar rolin historik të Tetovës për shqiptarët gjithandej dhe ka falënderuar tetovarët që gjatë luftës në Kosovës kanë hapur zemrat dhe dyert e tyre për t`i strehuar refugjatët kosovarë të dëbuar me dhunë nga regjimi gjenocidal i Serbisë.

-Advertisement-

“Tetova dhe qytetarët e saj janë gjithnjë në zemrat e qytetarëve të Kosovës, prandaj sot, së bashku me kryetarin Kasami, rikonfirmuam angazhimin tonë për kultivimin e mëtejshëm të raporteve tona të veçanta”.

Në takim, ndër të tjera është diskutuar për mundësitë e bashkëpunimit me komunat kosovare në funksion të përmirësimit të jetës së qytetarëve nga të dy shtetet.