Lajme

Shtëpia e Bardhë thotë se nuk ka regjistra të vizitorëve në shtëpinë e Bidenit

Autori: Gazeta inFokus 07:22 | 17 January 2023

Shtëpia e Bardhë ka thënë se nuk ka regjistra të vizitorëve për shtëpinë private të presidentit Joe Biden.

Republikanët kanë kërkuar të shohin regjistrat në shtëpinë e tij në Delaware, ku u gjetën dokumente të klasifikuara nga koha kur ai ishte nënpresident.

Të hënën, zyra e këshilltarit të Shtëpisë së Bardhë tha se nuk është praktikë standarde të mbash shënime se kush i viziton shtëpitë private të presidentëve.

-Advertisement-

Të paktën 20 dokumente janë gjetur në shtëpinë e Biden dhe në një zyrë që ai përdorte në Uashington.

Dokumentet datojnë që nga koha e tij si zëvendëspresident nën administratën Obama. Disa prej tyre u shënuan “Top Secret” – niveli më i lartë i klasifikimit – ka raportuar CBS News.

Subscribe në YouTube: GAZETA INFOKUSI