Çfarë ndodhi me rastin e kërcënimit që Besnik Bislimi tha se iu bë nga Abelard Tahiri i PDK-së? Flasin nga prokuroria
Autori: Samire Jaha 15:06 | 27 December 2022
Në seancën e 10 nëntorit të Kuvendit të Kosovës, zëvendëskryeministri Besnik Bislimi, kishte deklaruar se është kërcënuar nga shefi i grupit parlamentar të Partisë Demokratike të Kosovës, Abelard Tahiri.
Në lidhje me këtë Prokuroria Themelore në Prishtinë kishte nisur menjëherë hetimet, të paktën kështu kishte konfirmuar për Infokus po në këtë ditë, Laureta Ulaj, zëdhënëse e kësaj prokurorie.
“Referuar pyetjes suaj, iu njoftojmë se Prokurori i Shtetit ka autorizuar policinë për ndërmarrjen e të gjitha veprimeve të nevojshme lidhur me këtë çështje”, kishte deklaruar Ulaj për Infokus.
Derisa me datën 5 dhjetor, Gazeta Infokus ka kërkuar sërish të dijë se deri ku kanë shkuar hetimet për këtë rast. Mirëpo nga prokuroria, përgjigja ishte shumë e shkurtër.
Sërish zëdhënësja e Prokurorisë Themelore në Prishtinë, Laureta Ulaj, për Infokus ka treguar që ky rast po vazhdon të jetë ende nën hetime duke mos dhënë ndonjë detaj tjetër apo informacion shtesë.
“Rastit të cilit i referoheni ju njoftojmë se është ende nën hetim”, janë përgjigjur shkurt nga prokuroria, pas kërkesës të vazhdueshme nga Infokus për informacione në lidhje me këtë rast.
Ndryshe gjatë seancës së 10 nëntorit, zëvendëskryeministri Bislimi kishte kërkuar nga prokuroria që të marrë masa në lidhje me këtë rast.
“Ish ministri i Drejtësisë dhe deputeti nga kjo foltore u kthye me një sërë akuzash, ndërkaq pasi u mbyll mikrofoni me stilin e një banditi që i vendos shurdhues armës. U kthye nga unë me një sërë kërcënimesh dhe nga foltorja e tij me sharje dhe mendoj që do të ishte mirë që prokuroria me marrë masa për rastin”, tha Bislimi në seancën e Kuvendit.
E përkundër kësaj akuze deputeti Tahiri kishte mohuar të ketë bërë një gjë të tillë.
Ai gjatë seancës kishte reaguar duke thënë se “qeveria është çoroditur”.
“Vërtet është një çoroditje e kësaj qeverie. A jeni duke e pa sjelljen e këtij [Bislimit] sjelljen e kësaj [Haxhiut], këta e kanë një siklet shumë të madh, kanë një problem tepër të madh. Këta janë në një siklet që as vendi vend nuk po i zen. Ky edhe flet akuza të pa baza, del në foltore, flet të pavërteta, ky me të vërtetë është në gjendje të rëndë edhe psikike, prandaj ne i kërkojmë fokus angazhim e punë kësaj Qeverie në krye të detyrave të saja”- tha ai./Gazeta Infokus/
Të tjera
-
Dyshimet për parregullësi në gradimin e policëve, IPK krijon grup të veçantë hetimor
Pasi u raportua se në konkursin për gradim të policëve nga “Polic i lartë” në...
-
VMRO dhe VLEN pajtohen për “shtyllat kryesore” të Qeverisë së re
VMRO DPMNE-ja dhe koalicioni i opozitës shqiptare, VLEN, thanë se kanë arritu...
-
Vrἀsja e Roan Brahimit, partnerja e tij rrëfen momentet e ekzekutimit
Partnerja e Roan Brahimit, i cili u vra me armë zjarri në Athinë ditë më parë...
-
Gërvalla pas takimit me përfaqësuesit e CSU-së: Kosova i ka përmbushur kushtet për anëtarësim në KiE
Ministrja e punëve të Jashtme, ka takuar delegacionin nga landi i Bavarisë, p...
-
Përurohet pllaka me emrin e Nënë Terezës në SHBA
Presidentja e Kosovës, Vjosa Osmani, gjatë vizitës së saj zyrtare në Teksas t...
-
Kurti u përgjigjet atyre që e refuzuan për takim: Mendova se është më së miri të takohemi të gjithë së bashku
Kryeministri i Kosovës, Albin Kurti, ka thënë se është i interesuar që të tak...
-
Ramiz Lladrovci nga Gryka e Bunës: Kapitenit të sprovuar, zakonisht i bëjnë mirë dallgët
Gjatë fundjavës, Ramiz Lladrovci ka postuar pamje duke lundruar, me motobarkë...
-
Si tentoi gjykatësi Kryeziu ta joshte praktikanten 22-vjeçare për djalin e tij me blerje çantash
Një 22-vjeçare derisa po zhvillonte praktikën në Gjykatën Themelore në Gjilan...
-
Presidenti i Këshillit Evropian kërkon nga Izraeli të mos ndërmarrë operacione tokësore në Rafah
Presidenti i Këshillit Evropian, Charles Michel, i ka reaguar qeverisë izrael...
-
Përfundon periudha transitore për dinarin
Sot përfundon periudha transitore e Bankës Qendrore të Kosovës rreth çështjes...
-
Shqipëria pretendon se Rusia ia bombἀrdoi konsullatën në Ukrainë, interesohet për provat
Qeveria shqiptare ka nisur përpjekjet të dokumentojë me prova ligjore, shkatë...
-
SHBA: Izraeli ka gjasë që ka shkelur ligjin ndërkombëtar në Gaza duke përdorur armë amerikane
Administrata e presidentit Joe Biden njoftoi të premten se ishte "e arsyeshme...