Kupa e Botës 2022

Goditje e madhe për Brazilin, dy futbollistë lëndohen dhe humbin pjesën tjetër të Botërorit

Autori: Gazeta inFokus 14:01 | 03 December 2022

Brazili ka pësuar humbje në ndeshjen e tretë të grupit ndaj Kamerunit 1-0, por kjo humbje nuk ishte e rëndësishme pasi kishin siguruar vendin e parë në grup.

Megjithatë në këtë takim brazilianët kanë humbur dy futbollistë shumë të rëndësishëm shkaku i lëndimeve.

Brazili po përballet me një krizë lëndimesh, pasi Gabriel Jesus dhe Alex Telles të dy morën lëndime në humbjen e tyre kundër Kamerunit në ndeshjen e tretë në Katar.

-Advertisement-

Të dy futbollistët u ankuan për probleme në gju dhe pas skanimeve të reja është konfirmuar se as Gabriel Jesus, por as Alex Telles nuk mund të luajnë më këtë botëror.

Lëndimi i Gabriel Jesus besohet të jetë më pak serioz, megjithëse ai pritet të mungojë rreth një muaj ku do t’i mungojë edhe Arsenalit në disa ndeshje.