Kupa e Botës 2022

Çlirim tek Argjentina, Messi stërvitet me grupin, gati për ndeshjen e parë

Autori: Gazeta inFokus 09:57 | 21 November 2022

Kombëtarja e Argjentinës po bën përgatitjet e fundit për debutimin kundër Arabisë Saudite, të martën e ardhshme. Pas dy ditët e fundit kishte zhvilluar stërvitje të diferencuar, Lionel Messi iu bashkua pjesës tjetër të grupit të Argjentinës në fushën e Universitetit të Katarit, këtë të diel, dhe i kreu të plota ushtrimet nën komandën e trajnerit Lionel Scalonit.

Siç u zbulua nga një burim nga Federata Argjentinase e Futbollit (AFA) për agjencinë e lajmeve Associated Press, Messi u ruajt nga seancat e mëparshme stërvitore për shkak të mbingarkesës së muskujve. Për këtë arsye, ai kishte kryer vetëm seanca të veçanta të punës fizike me Luis Garcían, një fizioterapist i ekipit kombëtar bardheklatër.

Në Katar, Messi merr pjesë në një Kupë Bote për herë të pestë në karrierën e tij. Do t’i duhet të aktivizohet në tri takime për të thyer rekordin e ndeshjeve në Botëror të Mascheranos (20) dhe legjendës Maradona (21).

-Advertisement-