Lajme

Hoti: Shkaku i paditurisë ekonomia sot ka 500 milionë euro më pak

Autori: Gazeta inFokus 09:45 | 02 Nëntor 2022

Për shkak të mosrealizimit të shpenzimeve kapitale, ish-kryeministri, Avdullah Hoti, thotë se ekonomisë kosovare i mungojnë 200 milionë euro në qarkullim. Përveç kësaj, ai tha se Qeveria ka 678 milionë euro para të gatshme, dyfish më shumë sesa i nevojiten. Siç thotë ai edhe këtu 300 milionë euro do të duhej të ishin në qarkullim.

Mbledhur krejt së bashku, Hoti tha se sot në ekonomi ka rreth 500 milionë euro më pak “për shkak të paditurisë”.

“Sipas raportit të buxhetit për janar-shtator 2022, vetëm 21% e investimeve kapitale janë realizuar (158 mil nga 764 mil të planifikuara). Kjo është 29% më pak se më 2021 dhe 24% më pak se më 2020. Kjo po na kushton shtrenjtë. Për shkak të mosrealizimit të shpenzimeve kapitale, sot ekonomisë i mungojnë rreth 200 milionë euro në qarkullim. Ka ministri, siç është Ministria e Industrisë, me vetëm 5% realizim të shpenzimeve kapitale, apo Ministria e Shëndetësisë dhe Ministria e Financave me 6%, Ministria e Ekonomisë me 13%, Ministria e Mbrojtjes me 15% etj”, shkroi ai në Facebook.

-Advertisement-

“Paratë e gatshme në llogarinë e Qeverisë kanë arritur në 678 milionë euro, dyfish më shumë sesa që është e nevojshëm. Rrjedhimisht, mund të ishte pezulluar akciza në naftë, si dhe përgjysmuar TVSH-ja në naftë dhe në mallra ushqimore, pa shkaktuar asnjë vështirësi buxhetore për Qeverinë.  Sikur të mos mblidheshin këto mjete vetëm sa për t’i mbajtur në llogari, sot ekonomia do të kishte edhe 300 mil euro në qarkullim. Këto mjetet tanimë janë zhvlerësuar nga infalcioni për rreth 20%, që është rreth 136 mil euro.  Këta as nuk i shpenzojnë mjetet e mbledhura për projekte, e as nuk ua lënë qytetarëve. Pasojat po i bartim të gjithë. Sot në ekonomi ka rreth 500 milionë euro më pak për shkak të paditurisë”, shkroi mes tjerash ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy