“Vërtet u zgjat shumë, Qeveria s’po lëviz”, a do t’i japin vetë fund grevës mësimdhënësit?
Autori: Gazeta inFokus 13:49 | 27 September 2022
Kryeministri Kurti, bashkë me ministrin Murati po qëndrojnë për vizitë në Japoni, në kohën kur Kosova është në javën e pestë të grevës. Numri dy i SBASHK-ut, Ymer Ymeri, sot tha se “vërtetë greva është zgjatur shumë”, derisa shtoi se “Qeveria nuk është e gatshme të bëjë asnjë lëvizje”. Deklarata e tij u interpretua si mundësi që grevës t’i jepet fund pasi 318 mijë nxënës janë ata që po humbin më së shumti. Por, kjo nuk është definitive pasi ata paralajmërojnë konsultime në nivel të Kosovës me të gjithë grevistët.
Nënkryetari i Sindikatës së Arsimit, Ymer Ymeri, sot tha, se nëse nuk tërhiqet ‘hiç’ Qeveria, atëherë do të konsultohen me anëtarësinë për hapat e mëtutjeshëm.
Përmes kësaj deklarate, Ymeri dha sinjale se SBASHK-u mund të heq dorë nga kërkesa që mësimdhënësve t’i jepen nga 100 euro shtesë deri në miratimin e ligjit për pagat.
“Nëse Qeveria nuk tërhiqet hiq, ne do të konsultohemi me anëtarsinë se çka me vepru tutje për shkak se vërtetë u zgjat greva shumë dhe sipas të gjitha gjasave po shihet se Qeveria nuk është e gatshme me ba asnjë lëvizje. Duhet të konsultohemi me anëtarësinë por kjo mbetet kompetencë e këshillit Grevist të BSPK-së për shkak se edhe shërbyesit civilë janë në grevë dhe koordinimi duhet të jetë patjetër me ta për çfarëdo vendimi që të merret”, tha ai për Gazetën Blic.
Ymeri shtoi se “krejt çfarë të vendosë anëtarësia ne do të jemi zëri i tyre por gjasat nuk janë të pamundura edhe vetë anëtarësia me pa se nuk ka zgjidhje dhe me ba zgjidhjen vetë”.
Por, një ndryshim i qëndrimit, deri më tani, nuk është parë nga Qeveria ose Ministria e Arsimit, të cilët i ofruan 50 euro.
Derisa SBASHK-u po vazhdon grevën, kreu i ekzekutivit, Albin Kurti po qëndron në Japoni për të marrë pjesë në funeralin shtetëror të ish-kryeministrit japonez, Shinzo Abe.
Të dileën, Kurti i acaroi më shumë grevistët duke i quajtur përfaqësuesit e tyre “sindikalistë të PAN’it”, ata i reaguan duke i thënë se kur bënin greva në kohën e qeverive tjera Kurti i përkrahte.
Për zgjidhjen e këtij kaosi, ish-ministrja e Arsimit, Hykmete Bajrami dhe kryetari i Komisionit për Arsim, Ardian Gola, kanë dalë me propozime.
Propozimi i ish-ministres Bajrami
Të dielën, ish ministrja e Arsimit, Hykmete Bajrami, doli me një propozim- zgjidhje në mënyrë që greva të ndalet.
Ajo i kërkoi SBASHK-ut që të pranojë ofertën e Qeverisë për shtesën prej 50 euro, ndërsa Qeverisë i rekomandoi që Ligji për Pagat të zbatohet që nga 1 janari i vitit 2023.
Sipas Bajramit, nëse ky ligj nuk hyn në fuqi në fillim të vitit tjetër, duhet që të planifikohet buxhet që shtesa prej 50 euro të vazhdojë deri në hyrjen në fuqi të këtij ligji.
Ndërsa, nga Qeveria Bajrami ka kërkuar që të mos zbatojë ndëshkime në paga, për muajin shtator.
Bajrami, dje në emisionin “Frontal” të T7 zbërtheu këtë propozimin derisa shtoi se mund të bëhet një përshpejtim. Ajo tha se “kemi ligje që brenda ditës i kemi kaluar në të dy leximet”.
“Ligji i pagave është ligj kompleks. Këtë duhet ta pranojmë. Por Qeveria ka pasur kohë një vit kohë”, tha ajo.
Deputetja e LDK-së tha se për t’u arritur një zgjidhje për ndaljen e grevës “kërkohet vullnet politik, ulje në një tavolinë, qoftë me ndërmjetësim të palëve të tjera”.
Propozimi i Ardian Golës
Një propozim e dha edhe kryetari i Komisionit për Arsim, deputeti nga radhët e VV-së, Ardian Gola, mirëpo jo për ndaljen e grevës, por vetëm për zëvendësim të metodës aktuale të grevës.
Sipas Golës, greva e tanishme mund të zëvendësohet me përdorimin e mekanizmit të mos-notimit të nxënësve, si presion ndaj Qeverisë.
Gola thotë se duhet të ndërrohet mënyra e presionit për plotësimin e kërkesave, në mënyrë që të mbahet edhe mësimi dhe qeveria në të njëjtën kohë të bëjë përpjekje për të gjetur një zgjidhje.
Ky propozim u hodh poshtë nga SBASHK-u, derisa Gola në “DPT te Fidani” ka thënë se refuzimi i SBASHK është kategorik dhe i barrikaduar.
Ai e ka quajtur të çuditshëm refuzimin e SBASHK nëpërmjet takimit online që e kishin këtë mbrëmje, shkruan Express.
“Është refuzim kategorik, i pamëdyshje dhe goxha do të thoja i barrikaduar. Ne mund ta kontestojmë metodologjinë si i kanë mbledhur ato të dhëna. Një refuzim goxha i çuditshëm i propozimit aspak politik, aspak taktizues, por të sinqertë”, ka deklaruar ai.
Më 25 gusht, SBASHK-u hyri në grevë. Kërkesë e tyre është shtesa prej 100 euro në çdo muaj derisa të hyjë në fuqi Ligji për Pagat. Deri më tani janë zhvilluar disa takime, por ende Sindikata dhe Qeveria nuk kanë arritur pajtueshmëri. Grevën e kanë “tradhtuar” disa shkolla, mirëpo numri i tyre është i vogël.
Të tjera
-
Kurti takohet me kryeministrin kroat, flasin për Banjskën e dialogun me Serbinë
Kryeministri i Kosovës, Albin Kurti është takuar sot me kryeministrin e Kroa...
-
Peci merr zemër, i fton në debat “dorë për dore” të gjithë ish-ministrat e Bujqësisë
Ministri i Bujqësisë, Faton Peci u ka bërë thirrje publike të gjithë ish-mini...
-
Sveçla pas aksionit në Pejë: Prapa grilave është vendi i kriminelëve që merren me veprimtari të tilla
Ministri i Punëve të Brendshme, Xhelal Sveçla ka përgëzuar Njësitin e Antidro...
-
Rama në Asamblenë e OKB: Kosova, pjesë e pandashme e realitetit ndërkombëtar
Kryeministri shqiptar Edi Rama në në sesionin e 79-të të Asamblesë të Për...
-
Abdixhiku viziton një familje në Krushevë të Klinës, thotë se do mbulojnë të gjitha shpenzimet për vitin e parë për të gjithë fëmijët
Kryetari i Lidhjes Demokratike të Kosovës (LDK), Lumir Abdixhiku, ka vizi...
-
AGK dënon ashpër sụlmin e Kurtit ndaj mediave, tha se paguhen nga regjimet e kaluara
Asociacioni i Gazetarëve të Kosovës i ka reaguar kryeministrit Albin Kurti li...
-
Gërvalla në takimin ShBA-Karta e Adriatikut: Kosova, e palëkundur për integrime euroatlantike e bashkëpunim rajonal
Ministrja e Punëve të Jashtme, Donika Gërvalla, ka marrë pjesë në takimin ShB...
-
Largimi i veturave të braktisura, Rama: Qëllimi kryesor i këtij aksioni është përmirësimi i cilësisë së jetës
Në kryeqytet po vazhdon aksioni nga inspektorati për largimin e veturave të b...
-
Persona të maskuar sulmọjnë kryetarin e FFM-së Muamed Sejdinin
Kryetari i Federatës së Futbollit të Maqedonisë Muamed Sejdini, është sulmuar...
-
Reagime pas ndarjes së Shqipërisë dhe Maqedonisë së Veriut në procesin e integrimit evropian
Ndarja e Maqedonisë së Veriut nga Shqipëria në procesin e integrimit drej...
-
Ish-kryeministri: Kosova do të nis të zbatojë marrëveshjen e Washingtonit në qeverinë e ardhshme
Ish-kryeministri i Kosovës dhe deputeti i Lidhjes Demokratike të Kosovës, Avd...
-
Arrestohet në Gjilan i dyshuari për 16 mashtrime
Policia e Kosovës në Gjilan ka arrestuar sot të dyshuarin F.S. Policia ka ...