Lajme

Kosovarët ende pa liberalizim të vizave, Tahiri: Të mos keqpërdoret ndjenja pro-evropiane e Kosovës

Autori: Gazeta inFokus 15:30 | 18 Korrik 2022

Shefi i grupit parlamentar të AAK-së, Besnik Tahiri ka thënë se Kosova për dallim nga vendet e tjera të rajonit, ka bërë përmbushjen e dyfishtë të kritereve për liberalizim të vizave.

Sipas Tahirit, hezitimi i disa vendeve të BE-së për këtë proces, po zbehë entuziazmin publik, e për rrjedhojë, po e godet agjendën e përbashkët BE – Kosovë.

Tahiri i ka bërë thirrje vendeve të BE-së të mos keqpërdoret ndjenja pro-evropiane e Kosovës.

-Advertisement-

Shkrimi i plotë:

Tashmë po bëhen 4 vite, kur Komisioni Evropian, konfirmoi për të dytën herë se Kosova ka përmbushur të gjitha kriteret për liberalizimin e vizave. Përkatësisht 95 kritere dhe shumë rekomandime të tjera të cilat ishin shtuar gjatë këtij procesi.

Plotësimi i dyfishit të kritereve krahasuar me vendet e rajonit nga institucionet e Kosovës, është dëshmi e përkushtimit, si dhe në përputhje me euro-entuziazmin që kanë qytetarët. Duke, mos u ndalur me kaq, por edhe në procesin e përafarfrimit duke ndërmarrë reforma të thella, në përmbushjen e standardeve evropiane.

Hezitimi dhe deklarimet e disa vendeve, për një proces krejt teknik, po zbehë entuziazmin publik, e për rrjedhojë, po e godet agjendën e përbashkët BE – Kosovë. Në një momentum të ri të përkushtimit të vendeve në Rajon si, Shqipëria dhe Maqedonia e Veriut, tregon se agjenda euro-integruese, është rruga e rëndësishme e arritjes së synimeve të vendeve, si instrumenti kyç në parandalimin e shtrirjes së ndikimit rus në Ballkan.

Andaj, Kosova, institucionet, në veçanti të zgjedhurit e qytetarëve, duhet të ri-konfirmojnë domosdoshmërinë dhe kërkesën e fuqishme, që pa vonesa të përmbyllet liberalizimi dhe të qartësohet rruga euro-integruese. Kjo, do të kthehej në një instrument të rëndësishëm, të fokusimit në reforma, si dhe ruajtje të energjisë dhe entuziazmit në rrugëtimin drejt integrimit të plotë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy