Lajme

Berisha: Kurti ta zbatojë zotimin për zhbërjen e Gjykatës Speciale

Autori: Gazeta inFokus 12:39 | 18 Maj 2022

Deputeti i PDK-së, Hisen Berisha, pas vendimit të Gjykatës Speciale që dënoi me nga katër vjet e gjysmë burgim ish-krerët e OVL UÇK-së, Nasim Haradinaj dhe Hysni Gucati, tha se duhet shikuar mundësia nëse duhet lejuar vazhdimi i punës së Dhomave të Specializuara.

Ai tha se në këtë drejtim duhet të angazhohet edhe kryeministri i vendit, Albin Kurti, për të cilin tha se duhet të ndalojë së përdoruri frazën “Hashimi e ka bërë”.

“Një zotim të kryeministrit aktual që ka premtuar dhe është zotuar që do të ketë qëndrim ndryshe ndaj këtyre gjykatave, që do t’i zhbëjë këto, tani duhet të vihet në funksion të mbrojtjes së qëndrimeve të veta dhe synimeve të veta, si dhe drejtësisë e jo të spekulojë me ato frazeologji se këtë e bëri Hashimi”.

-Advertisement-

Berisha në T7 tha se iu takon institucioneve të drejtësisë që të insistojnë, si dhe Kuvendit për “amandamentimit të ligjit sa i përket përdorimit të fakteve që ofron shërbimi sekret serb edhe procedurat e mbylljes së kësaj gjykate sepse në çdo aspekt ka dështuar dhe ka treguar jokredibilitet”.

“Numërojmë sa doni fakte dhe të shikohet mundësia e vazhdimit të seancave dhe gjykimit të këtyre veprave pretenduara penale nëpër sistemin e drejtësisë , për të cilin mendoj se është funksional”.

Berisha tha se këto Dhoma i janë mbivendosur sistemit të drejtësisë dhe vetë Kuvendit që i ka krijuar.

“E kemi thënë që në fillim, përkundër faktit se kjo gjykatë është krijuar për të demantuar pretendimet e Dick Martyt, por edhe drejtësisë serbe e prokurorëve  serbë dhe bashkëpunëtorëve të tyre, që pretendonin t’i njollosnin liderët e UÇK-së dhe qëllimin e luftës sonë, duhet t’i referohen jo vetëm faktit se përmes procedurave ligjore këto Dhoma ia kemi mbivendosur drejtësisë së Kosovës, për më keq ia kemi mbivendosur edhe Kuvendit, krijuesit të këtyre gjykatave”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy